ئۆکراینا وێستگەیەکی کیمیایی ڕووسیا بە ئامانج دەگرێت

ئاڤا نیوز

لە درێژەی شەڕی ڕووسیا و ئۆکراینادا، کیێڤ هێرشەکانی بۆ سەر دامەزراوە گرنگ و ستراتیژییەکانی ڕووسیا چرتڕکردووەتەوە، لە نوێترین پێشهاتدا ئۆکراینا وێستگەیەکی کیمیایی ڕووسیا بە ئامانج گرت

چی ڕوودەدات: ئۆکراینا درەنگانی شەوی ڕابردوو بە چەکی دوور مەودای دروستکراوی بەریتانیا ڕایگەیاند، کارگەیەکی کیمیایی ڕووسیای بە ئامانج گرتووە، کە بە کارگەی کیمیایی برایانسک ناسراوە، ئەرکانی گشتی ئۆکراینا ئەم کارگەیە بە دامەزراوەیەکی سەرەکی لە کۆمەڵگەی سەربازی - پیشەسازیی ڕووسیا ناو دەبات.

زانیاریی بەدەستهاتوو: هێزەکانی ئۆکراینا لەبارەی ئەم هێرشەوە دەڵێن، هێرشێکی سەرکەوتوو بوو'' کە توانی سیستمی بەرگریی ئاسمانی ڕووسیا ببەزێنێت، وتیان هێشتا هەڵسەنگاندن بۆ دەرئەنجامی ئەو هێرشە "گەورەیە" بەردەوامە .