لە هەولێر 26 یاریگا نۆژەن دەکرێنەوە و یاریگایەکی نوێش دروست دەکرێت

ئاڤا نیوز

لە پارێزگای هەولێر 26 یاریگا نۆژەن دەکرێنەوە، یاریگایەکی نوێی 11 یاریزانیش لە قەزای هەریر دروست دەکرێت.

چیرۆکی سەرەکی: ئەمڕۆ چوارشەممە 22-10-2025 گرێبەستی نۆژەنکردنەوەی 26 یاریگا و دروست کردنی یاریگایەکی نوێ واژۆکرا، پرۆژەکە ڕادەستی بەڵێندەر کرا و لە داهاتوویەکی نزیک دەست بە جێبەجێکردنی کارەکانیان دەکرێت.

لێدوانی فەرمی: ئومێد خۆشناو، پاریزگاری هەولێر لە کۆنگرەیەکی ڕۆژنامەوانیدا گوتی: لەسەر فەرمانی سەرۆکوەزیران مەسرور بارزانی، بە گوژمەی چوار ملیار و 700 ملیۆن دینار، 26 یاریگا نۆژەندەکرێنەوە و یاریگایەکی 11 یاریزانیش لە هەریر دروست دەکرێت.

- ئەمە وەک قۆناغی یەکەمە و لە داهاتوو بەردەوام دەبین لە نۆژەنکردنەوەی هەر یاریگایەک کە پێویستی بە نۆژەنکردنەوە هەبێت.

زانیاریی زیاتر: ئەو یاریگایانەی نۆژەندەکرێنەوە 16 یاریگای شەش یاریزانین و هەشت یاریگاش 11 یاریزانین، ئەو یاریگا نوێیەی لە هەریریش دروست دەکرێت یاریگایەکی 11 یاریزانییە.

بۆچی گرنگە: ئەو یاریگایانەی نۆژەندەکرێنەوە دەخرێنە خزمەت تیپە میللیەکان، ئەمەش دەرفەتی زیاتر بۆ دەرکەوتنی یاریزانی بەهرەداری تۆپی پێ دەڕەخسێنێت، بۆ ئەوەی یانەکانی کوردستان سوود لە تواناکانیان وەربگرن.