نەتانیاهۆ پێشوازی لە جێگری سەرۆکی ئەمریکا دەکات

ئاڤا نیوز

لەمیانەی سەردانەکەی جەی دی ڤانسی جێگری سەرۆکی ئەمریکا بۆ ئیسرائیل کۆنگرەیەکی ڕۆژنامەوانی هاوبەشی لەگەڵ سەرۆکوەزیرانی ئیسرائیل ئەنجامدا، هەردوولا دووپاتیان کردەوە کە ئاگربەستی غەززە بەردەوامە.

زانیاریی بەدەستهاتوو: نووسینگەی بنیامین نەتانیاهۆ، سەرۆکوەزیرانی ئیسرائیل ڕایگەیاند، نەتانیاهۆ پێشوازی لە جەی دی ڤانس، جێگری سەرۆکی ئەمریکا کرد.

لێدوانە فەرمییەکان: بنیامین ناتانیاهۆ، سەرۆکوەزیرانی ئیسرائیل ڕایگەیاند، جیهان لە سایەی هاوبەشی لەگەڵ ئەمریکادا گۆڕانکاری بەسەردا دێت.

- جەی دی ڤانس، جێگری سەرۆکی ئەمریکا ڕایگەیاند، بەوپەڕی خۆشحاڵییەوە چاوەڕێی کارکردنە لەگەڵ نەتانیاهۆ لەسەر پلانی ئاشتی غەززە و ئاوەدانکردنەوەی کەرتی غەززە، هاوکات گەشبینی خۆی سەبارەت بە بەردەوامبوونی ئاگربەست لە غەززە دەربڕی.

ڤانس وتیشی، ئەرکێکی زۆر زۆر سەختمان لەبەردەمدایە، ئەویش چەکداماڵینی حەماسە هاوکات لەگەڵ ئاوەدانکردنەوەی غەززە، بۆ ئەوەی ژیان بۆ خەڵکی غەززە باشتر بکەین، بەڵام پێویستە دڵنیابین لەوەی کە حەماس چیتر مەترسی نییە بۆ سەر دۆستەکانمان لە ئیسرائیل، جەختی کردەوە کە ئیسرائیل ڕۆڵێکی بەرچاو لە ناوچەکەدا دەگێڕێت.