وەزارەتی پەروەردە شەش ڕۆژ پشووی ڕاگەیاند

ئاڤا نیوز

وەزارەتی پەروەردە بڕیاری دا لە ڕۆژی 6ـی 11 تاوەكو 11-11-2025 دەوامی سەرجەم ناوەندەكانی خوێندن ببێتە پشوو، ڕۆژی دوای هەڵبژاردن؛ 12-11-2025، دەوام لە قوتابخانە و ناوەندەكانی خوێندن دەستپێدەكاتەوە.

چیرۆکی سەرەکی: بەمەبەستی بەڕێوەچوونی پرۆسەی هەڵبژاردنی خولی شەشەمی ئەنجوومەنی نوێنەرانی عێراق كە بڕیارە لە 11-11-2025 بەڕێوەبچێت، وەزارەتی پەروەردە ئەو ناوەندانەی خوێندن كە دەبنە بنكەی هەڵبژاردن، لە ڕۆژی 6ـی 11ـی 2025ـەوە، دەداتە كۆمیسیۆنی باڵای سەربەخۆی هەڵبژاردنەكانی عێراق.

نووسراوی فەرمی: ئەمڕۆ بە فەرمانێكی وەزاری بە واژۆی ئالان حەمەسەعید، وەزیری پەروەردە، بڕیار درا شەش ڕۆژ پشوو لە ناوەندەكانی خوێندن ڕابگەیێنرێت كە لە 6-11-2025 دەستپێدەكات و تاوەكو 11-11-2025 بەردەوام دەبێت، ڕۆژی چوارشەممە 12-10-2025 دەوام لە ناوەندەکانی خوێندن دەستپێدەکاتەوە.

ئەوەی پێویستە بیزانیت: هەر بەبۆنەی بەڕێوەچوونی پرۆسەی هەڵبژاردن، پێشتر وەزارەتی پەروەردەی عێراق، هەشت ڕۆژ پشووی لە ناوەندەكانی خوێندن ڕاگەیاند.

ئەمەش بزانە: وەزارەتی پەروەردە كۆمیسیۆنی ئاگادار كردووەتەوە، قوتابخانەكان وەك ئەوەی وەریانگرتووە، ڕادەست بكەنەوە بە هەماهەنگی لەگەڵ كارگێڕی ناوەندەكانی خوێندن.