نامەیەک لە ترەمپەوە بۆ نێچیرڤان بارزانی

ئاڤا نیوز

سەرۆكی هەرێمی كوردستان، نامەیەكی لە دۆناڵد ترەمپ، سەرۆكی ئەمریكاوە پێگەیشت، تێیدا سوپاسی نێچیرڤان بارزانی دەكات بۆ پشتگیریی لە هەوڵەكانی ترەمپ لەپێناو ئاشتییدا.

وێنە گەورەكە: ئیدارەی كۆشكی سپی ڕژدە لەسەر جێگیركردنی ئاشتی بەردەوام و نەهێشتنی ئاڵۆزییەكان لە سەرانسەری جیهان بەگشتی و ڕۆژهەڵاتی ناوەڕاست بەتایبەت بەمەبەستی كۆتاییهێنان بە شەڕ و كوشتار لە ناوچەكە، لەو چوارچێوەیەشدا بەسەرپەرشتی دۆناڵد ترەمپ، سەرۆكی ئەمریكا، ئاگربەستی غەززە لەنێوان ئیسرائیل و حەماس واژۆكرا و دیلەكانی هەردوولا ئاڵوگۆڕ كران.

ڕاگەیێنراوی فەرمی: بەپێی ڕاگەیێنراوی سەرۆكایەتیی هەرێمی كوردستان، دۆناڵد ترەمپ، سەرۆكی ئەمریكا، لە نامەكەیدا سوپاسی نێچیرڤان بارزانی دەكات بۆ پشتگیری لە هەوڵەكانی لەپێناو ئاشتیدا، هاوکات لە نامەكەدا جەخت لە گرنگیی نەهێشتنی ناكۆكی و ئاڵۆزییەكان لە ڕۆژهەڵاتی ناوەڕاست دەكاتەوە.

زانیاریی زیاتر: له‌ نامه‌كه‌يدا بۆ نێچيرڤان بارزانى، تره‌مپ دووپاتی ده‌كاته‌وه‌ كه‌ وڵاتانى جيهان ده‌توانن به‌سه‌ر ناكۆکييه‌ كۆنه‌كاندا سه‌ربكه‌ون و به‌ره‌و داهاتوويه‌كى هاوبه‌ش له‌ ئاشتى و سه‌ركه‌وتن و گه‌شه‌سه‌ندن هه‌نگاو بنێن.

هه‌ر له‌و ميانه‌دا ڕژدی خۆى و ئيداره‌كه‌ى بۆ جێگيركردنى ئاشتييه‌كى به‌رده‌وام و نه‌هێشتنى ئاڵۆزييه‌كان له‌ ڕۆژهه‌ڵاتى ناوه‌ڕاست و كۆتاييهێنان به‌ شه‌ڕ و كوشتار له‌ ناوچه‌كه‌ و هه‌موو جيهان، نيشان ده‌دات.

تره‌مپ له‌ كۆتاييى نامه‌كه‌يدا وێڕاى سڵاو و ڕێز، هيواى سه‌ركه‌وتن بۆ نێچيرڤان بارزانى و خانه‌واده‌كه‌ى ده‌خوازێت.