ترەمپ کۆبوونەوەکەی لەگەڵ پووتین هەڵوەشاندەوە

ئاڤا نیوز

 

دۆناڵد ترەمپ، سەرۆکی ئەمریکا کۆبوونەوە چاوەڕوانکراوەکەی لەگەڵ ڤلادیمێر پووتین کە بڕیار بوو لە بودابستی پایتەختی هەنگاریا ئەنجامی بدەن، هەڵوەشاندەوە.

 

هۆکارە زانراوەکان؛ دۆناڵد ترەمپ، سەرۆکی ئەمریکا  ڕایگەیاند، هەستم بە دروستی نەدەکرد، هەستم نەدەکرد دەگەینە ئەو شوێنەی کە دەبێت بیگەین، بۆیە کۆبوونەوەکەم لەگەڵ پووتین هەڵوەشاندەوە، بەڵام لە داهاتوودا ئەنجامی دەدەین.

 

لەلایەکی دیکە؛ ئەمریکا هۆی پابەندنەبوونی ڕووسیا بە پرۆسەی ئاشتی بۆ کۆتاییهێنان بە شەڕی ئۆکراینا، وەزارەتی گەنجینەی ئەمریکا ڕایگەیاند سزای زیاتر بەسەر مۆسکۆدا دەسەپێنێت.

 

بە تەنیشت ئەم بابەتەوە؛ ڕۆژنامەی وۆڵ ستریت جۆرناڵـی ئەمریکی ئاشكرای کرد، واشنتن سنووردارییەکانی سەر بەکارهێنانی چەکەکانی لەلایەن ئۆکرایناوە هەڵگرتووە؛ بەم پێیە ڕێگە بە ئۆکراینا دەدرێت مووشەکی دوورمەودای ئەمریکی بۆ هێرشەکانی بۆ ناو خاکی ڕووسیا بەکاربهێنێت.