نەتەوەیەکگرتووەکان: وێرانکاریی غەززە وەک فیلمێکی هۆلیوودە

ئاڤا نیوز

نەتەوەیەکگرتووەکان هۆشداری دەدات لەوەی ئەو بەدخۆراکییەی لە کەرتی غەززە هەبووە لێکەوتەی خراپی دەبێت، ئاماژە بەوەش دەکات، "قەبارەی ئەو وێرانکارییەی کە لە کەرتی غەززە هەبووە وەک فیلمێکی هۆلیوود بوو." 

 

چیڕۆکی سەرەکی: شەڕی دوو ساڵەی غەززە، جیا لە وێرانکاری و کوشتار، سەرجەم دەروازەکان بۆ گەیاندنی هاوکاریی مرۆیی بۆ کەرتەکە لەلایەن ئیسرائیلەوە داخرابوون، ئەمەش دۆخێکی مرۆیی نالەباری بۆ دانیشتووانی کەرتی غەززە دروست کردبوو، سەدان حاڵەتی مردنیش بەهۆی بەدخۆراکییەوە لە کەرتەکە تۆمارکرا. 

 

چی ڕوودەدات: نوێنەری سندووقی دانیشتووانی نەتەوەیەکگرتووەکان بە ئەرکێکی پێنج ڕۆژە سەردانی کەناری ڕۆژئاوا و غەززە کردووە لەگەڵ گەڕانەوەی بۆ نیویۆرک کۆنگرەیەکی ڕۆژنامەونی لە ئەنجامدا و دۆخی مرۆیی کەرتی غەززە خستەڕوو.

 

لێدوانی فەرمی؛ ئەندرۆ ساپەرتۆن، نوێنەری سندوقی دانیشتووانی نەتەوەیەکگرتووەکان ڕایگەیاند، قەبارەی ئەو وێرانکارییەی کە بینیوومە وەک فیلمێکی هۆلیوود بوو.

 

دەشڵێت، لە هەر چوار دانیشتووی غەززە یەکێکیان بەدەست برسێتیەوە دەناڵێنێت، کە لەنێو ئەمانەدا 11 هەزار و 500 ژنی دووگیان هەیە، بۆیە ئەمە ڕەنگە ببێتە کێشە بۆ ئەو منداڵانەی ئێستا لە غەززە لەدایک دەبن، کە پێویستیان بە چاودێریی تەندروستی هەیە بۆ تەواوی تەمەنیان.