مەسرور بارزانی: ڕێگای هەولێر - کۆیە بەڵێنێکی دیکەیە بە خەڵکمان داوە و جێبەجێمان کردووە

ئاڤا نیوز

 

سەرۆکوەزیران مەسرور بارزانی لەکاتی بەسەرکردنەوەی ڕێگای دووسایدی هەولێر-کۆیە ڕایگەیاند، "ئەمە بەڵێنێکی دیکەیە بە خەڵکمان داوە و جێبەجێمان کردووە".

 

چیرۆکی سەرەکی: ئەمڕۆ پێنجشەممە 23-10-2025، سەرۆکوەزیران مەسرور بارزانی، کارەکانی ڕێگای دووسایدی هەولێر-کۆیەی بەسەرکردەوە و لە نزیکەوە چاوی بە سەرپەرشیارانی پڕۆژەکە کەوت و لە دوایین پێشکەوتنەکانی پرۆژەکەی کۆڵییەوە.

 

لێدوانی فەرمی: مەسرور بارزانی، سەرۆکوەزیرانی کوردستان ڕایگەیاند: دووسایدی هەولێر-کۆیە بەڵێنێکی دیکەیە بە خەڵکمان دابوو، سوپاس بۆ خوا جێبەجێمان کرد. ڕێگا دووسایدەکە بە کواڵێتیییەکی باش دروست دەکرێت و کۆمپانیایەکی ناوخۆیی جێبەجێی دەکات، توانیوویانە کاری زۆر باش بکەن.

 

زانیاریی زیاتر: دووسایدی هەولێر - کۆیە لێخووڕینی ئۆتۆمبێل ئاسانتر دەکات و ڕووداوە نەخوازراوەکان و مەودای دووریی نێوان هەولێر و کۆیە کەم دەکاتەوە.

 

لەلایەکی دیکەوە: تێچووی ڕێگای هەولێر - کۆیە، 560 ملیار و 443 ملیۆن دینارە، دڕێژیی ڕێگاکە 37 کیلۆمەترە، بە شامادەماری ڕێگاکانی کوردستان دادەنرێت و ڕێگایەکی ستراتیژییە.