نێچیرڤان بارزانی: دهۆک هێزی پارتییە

ئاڤا نیوز

لەمیانی بانگەشەی هەڵبژاردن نێچیرڤان بارزانی، جیگری سەرۆکی پارتی لە شاری دهۆک وتی، دهۆک هێزی پارتییە و لای سەرۆک بارزانی خۆشەویستە، وەک هەمیشە ئێوە کلیلی سەرکەوتنی پارتین لە بادینان.

چیرۆکی سەرەکی: ئەمڕۆ پێنجشەممە 23-10-2025، بە ئامادەبوونی نێچیرڤان بارزانی، جێگری سەرۆکی پارتی ئاهەنگێکی گەورەی جەماوەریی بانگەشەی پارتی دیموکراتی کوردستان لە دهۆک بەڕێوەچوو.

پەیامی فەرمی: لە وتارێکدا نێچیرڤان بارزانی ڕایگەیاند، بادینان ئەو چیا بڵندەیە لە کاتە ناخۆشەکان لە پشتی پارتی بووە و بەردەوام نەیارانی پارتی نائومێد کردووە بەوەی بەردەوام لەگەڵ پارتی بووە و دەمێنێت.

زانیاریی زیاتر: لە درێژەی وتارەکەیدا نێچیرڤان بارزانی وتی، دهۆک هێزی پارتییە و لای سەرۆک بارزانی خۆشەویستە، وەک هەمیشە ئێوە کلیلی سەرکەوتنی پارتین لە بادینان.

نێچیرڤان بارزانی لە وتارەکەیدا ئەمانەشی وت:

٠ ئەم هەڵبژاردنە بۆ پارتی، کوردستان و دوا ڕۆژی میللەتەکەمان گرنگە.

٠ پارتی بەرەو یەک ملیۆن دەنگدەر هەنگاو دەنێت.

٠ کاتێک باسی سەرکەوتنی پارتی دەکەین، ئەوا باسی سەرکەوتنی کوردستان دەکەین.

٠ بەڵێنی ئێمە یەک شتە، ڕۆژی دەنگدان پێکەوە دەنگ بە لیستی 275ـی پارتی بدەین.

٠ پارتی ڕۆڵێکی باڵای لە ڕووخاندنی ڕژێمی بەعس هەبووە.

٠ گرنگە دەستووری عێراق وەک خۆی جێبەجێ بکرێت.

٠ پارتی ئەو هێزەیە کە بەرگری لە دەستکەوتەکان دەکات.