نزیکەی 13%ـی دانیشتووانی سلێمانی بەشەخۆراکیان بڕاوە

ئاڤا نیوز

دوای بە ئەلیکترۆنی کردنی پسوولەی خۆراکی هاووڵاتیان، بەهۆی پڕنەکردنەوەی فۆڕمەکە ژمارەیەکی زۆر لە دانیشتووانی هەرێمی کوردستان، بە تایبەت سلێمانی بەشەخۆراکیان بڕاوە.

وێنە گەورەکە: لەسەرجەم پارێزگاکانی هەرێمی کوردستان 89%ـی هاووڵاتیان فۆڕمی ئەلیکترۆنی پسوولەی خۆراکیان پڕکردووەتەوە، ئەوەی فۆرمەکەی پڕنەکردۆتەوە بەشەخۆراکی مانگانەی بڕاوە، بەشێکی زۆر لە هاووڵاتیان ڕۆژانە سەردانی بەڕێوەبەرایەتییەکانی پسوولەی خۆراک دەکەن چاوەڕێی دووبارە کردنەوەی ئەپلیکەیشنەکەن بۆ ئەوەی بەشەخۆراکیان بگەڕێتەوە، تەنیا لە سلێمانی نزیکەی 300 هەزار خێزان بەشەخۆراکیان بڕاوە.

لێدوانی فەرمی: ئاراس محەممەد، بەڕێوەبەری پسوولەی خۆراکی سلێمانی، بە ئاڤای ڕاگەیاند، بڕینی بەشەخۆراکی هاووڵاتیان هەموو هەرێمی کوردستانی گرتووەتەوە لەسنووری سلێمانی نزیکەی 13%ـی دانیشتووان بەشەخۆراکیان بڕاوە كە نزیکەی 300 هەزار خێزان دەبن.

زانیاریی زیاتر: سەرجەم ئەو خێزانانەی بەشەخۆراکیان بڕاوە چاوەڕێی دووبارە کاراکردنەوەی خزمەتگوزارییەکانی ئەو ئەپلیکەیشنەیەن تاوەکو بتوانن دووبارە خۆیان تۆمار بکەن و بەشەخۆراکیان بۆ بگەڕێتەوە.