ترەمپ دژی لکاندنی کەرتی خۆرئاوایە بە ئیسرائیلەوە

ئاڤا نیوز

دۆناڵد ترەمپ، سەرۆکی ئەمریکا، دژایەتیی خۆی بۆ ویستی ئیسرائیل بۆ لکاندنی کەرتی خۆرئاوای داگیرکراوی فەلەستین بە ئیسرائیلەوە ڕادەگەیێنێت.

لێدوانی فەرمی: ترەمپ بە گۆڤاری تایمی ئەمریکی وتووە: لکاندنی کەرتی خۆرئاوای قبووڵ ناکرێت و ئەوە ڕوونادات، چونکە من ئەو بەڵێنەم بە وڵاتانی عەرەبی داوە.

زانیاریی زیاتر: ترەمپ هەڕەشەی ئەوەی کردووە کە ئەگەر ئیسرائیل هەنگاوی وا بنێت ئەوا تەواوی پشتیوانیی ئەمریکا لەدەست دەدات.

ئەمەش بزانە: پەرلەمانی ئیسرائیل دوو پڕۆژە یاسای پێشخستوون کە بە هۆیانەوە داوا دەکرێت بە یاسا سەروەریی ئیسرائیل بەسەر کەرتی خۆرئاوای داگیرکراوی فەلەستیندا بسەپێنرێت.