ئەمریکا: وەک قاعیدە مامەڵە لەگەڵ قاچاخچیانی ماددە هۆشبەرەکان دەکەین

ئاڤا نیوز

سوپای ئەمریکا بەلەمێکی قاچاخچییەکانی ماددە هۆشبەرەکانی ڤەنزوێلای لە دەریای کاریبی کردە ئامانج، وەزیری جەنگی ئەو وڵاتەش دەڵێت، هاوشێوەی قاعیدە مامەڵە لەگەڵ قاچاخچییەکانی ماددە هۆشبەرەکان دەکەین.

وێنە گەورەکە: ئیدارەی دۆناڵد ترەمپ سەرۆکی ئەمریکا ئۆپراسیۆنی سەربازی لە هەرێمە ئاوییەکانی باشووری وڵاتەکەی لەگەڵ وڵاتانی ئەمریکای لاتین لە دژی قاچاخچییەکانی ماددە هۆشبەرەکان دەستپێکردووە.

لێدوانی فەرمی: پێت هێگسێس، وەزیری جەنگی ئەمریکا ڕایگەیاند، "لە نیوەشەودا و بە فەرمانی سەرۆک ترەمپ هێرشمان کردە سەر بەلەمێکی قاچاخچییەکانی ماددە هۆشبەرەکان لە دەریای کاریبی، لە ئەنجامی هێرشەکەدا شەش تیرۆرستی ماددە هۆشبەرەکان کە لەسەر بەلەمەکە بوون کوژران".

زانیاریی زیاتر: وەزیری جەنگی ئەمریکا هۆشداریشدایە ئەو کەسانە، ئەگەر تیرۆرستی قاچاخچیت و دەتەوێت ماددە هۆشبەرەکان بگەیەنێتە ئەمریکا ئەوا هاوشێوەی ڕێکخراوی قاعیدە مامەڵەت لەگەڵ دەکەین. بە شەو یان بە ڕۆژ تۆڕەکانتان دیاری دەکەین و ئەندامانتان دیاری دەکەین و دەتانکوژین.