ئەمریکا لەبارەی ئاگربەستی غەززە هۆشداری دەداتە نەتانیاهۆ

ئاڤا نیوز

بەرپرسێکی باڵای ئەمریکی هۆشدارییەکی تووند دەداتە بنیامین نەتانیاهۆ، سەرۆکوەزیرانی ئیسرائیل، ئەگەر ڕێککەوتنی ئاگربەستی نێوان ئیسرائیل و حەماس هەڵبوەشێتەوە، ئەوا لەلایەن دۆناڵد ترەمپ سەرۆکی ئەمریکا ڕووبەڕووی دەرئەنجامێکی قورس دەبێتەوە.

وێنە گەورەکە: دوای ئەوەی پەرلەمانی ئیسرائیل خوێندنەوەی سەرەتایی بۆ لکاندنی بەشێک لە کەرتی ڕۆژئاوای بە وڵاتەکەیەوە کرد، جارێکی دیکە گرژی کەوتە نێوان ئیسرائیل و ئەمریکا.

زانیاریی بەدەستهاتوو: کەناڵ 12ـی ئیسرائیل بڵاویکردووەتەوە، بەرپرسێکی باڵای ئەمریکا هۆشداری دەداتە نەتانیاهۆ و ڕایگەیاند، نەتانیاهۆ لەسەر پەتێکی زۆر باریک لەگەڵ سەرۆک ترەمپ دەڕوات، ئەگەر بەمشێوەیە بەردەوام بێت، لە کۆتاییدا ڕێککەوتنی ئاگربەست تێکدەدات و ئەگەر ڕێککەوتنەکەش تێکچوو، سەرۆک ترەمپ بە خراپی مامەڵەی لەگەڵدا دەکات.