مەسرور بارزانی شیعرێکی خۆی بۆ کەرکووک دەخوێنێتەوە

ئاڤا نیوز

 

مەسرور بارزانی، جێگری سەرۆکی پارتی دیموکراتی کوردستان لەمیانی پێشکەشکردنی وتارێک لە هەڵمەتی بانگەشەی هەڵبژاردن لە هەولێر هۆنراوەیەکی خۆی بەناوی " دەردەڵی کەرکووک" خوێندەوە.

 

چیرۆکی سەرەکی: ئەمڕۆ شەممە ڕێککەوتی 25ـی 10ـی 2025 لەچوارچێوەی هەڵمەتی بانگەشەی هەڵبژاردنی پەرلەمانی عێراق بە ئامادەبوونی مەسرور بارزانی، جێگری سەرۆکی پارتی کاندیدانی بازنەی کەرکووک لە هەولێر و بە بەشداریی دەیان لایەنگری ئەو حزبە بەڕێوەچوو.

 

هۆنراوەکەی مەسرور بارزانی بەناوی "دەردەڵی کەرکووک"ـە و بۆ شاری کەرکووک نووسیویەتی:

پێم دەڵێن قودسی کوردانە ... کەی ئەمە ڕەوا و ویژدانە
بۆ قودس لە من پیرۆزتر بێت ... ناوی لە من ئازیزتر بێت

مێژووم پڕە لە سەروەری ...  خەبات لە دژ داگیرکەری
شاری ئەنفال و قوربانیم ..  داگیرکراو و زیندانیم

خاوەنەکانم دەرکران ...  هاوردە لە شوێنیان دانران
بۆ مێژووی من لەبیر دەکەن .... ناو و نیشانم لێڵ دەکەن

بۆ وا ناوم کەم دەبینن ....  بە شوێنی تر دەمشوبهێنن
شاری پێکەوە ژیانم  ...   پێشمەرگەیە پاسەوانم
فەرموودەی بارزانی جوانە...  کەرکووک دڵی کوردستانە