مەسرور بارزانی پشتیووانی خۆی بۆ چاڵێنجەکەی نێچیرڤان بارزانی ڕاگەیاند

ئاڤا نیوز

مەسرور بارزانی لە ئاهەنگی بانگەشەی هەڵبژاردنی پارتی پشتیووانی خۆی بۆ چاڵێنجەکەی نێچیرڤان بارزانی ڕاگەیاند و گوتی: "بەڵێ دەتوانین یەک ملیۆن دەنگ بهێنین". 

چیرۆکی سەرەکی: بە ئامادەبوونی مەسرور بارزانی، جێگری سەرۆکی پارتی ئاهەنگی بانگەشەی کەرکووک - گەرمیانی پارتی لە هەولێر بەڕێوەچوو و، هەر 24 کاندیدەکەی بازنەی کەرکووکی ئەو حیزبە ناسێنران.

لێدوانی فەرمی: مەسرور بارزانی، جێگری سەرۆکی پارتی لە ئاهەنگەکەدا چەند پەیامێکی ئاراستەی هاووڵاتییان کرد، لە بەشێکی قسەکانیدا گوتی: بیستم ئەو برادەرانە دەڵێن یەك ملیۆن دەنگ، ئەمە چالنجێكە كە برای بەڕێزم كاك نێچیرڤان ڕای گەیاندووە، من لە ئێوە دەپرسم، ئایا دەتوانین ملیۆنێك دەنگ بێنین یان نا؟ دەتوانین بگەڕێینەوە كەركووك یان نا؟ بەڵێ دەتوانین، دەتوانین بگەڕێینەوە كەركووك، دەتوانین یەك ملیۆن دەنگیش بێنین، دەتوانین پارتی ببێتە گەورەترین و سەركەوتووترین لیست لەم هەڵبژاردنەدا.

هەروەها باسی لەوەشکرد، پارتی هەرکات ئیرادە بکات دەتوانێت بیکات، ئەوەی گوتوویەتی کردوویەتی، لەمەودواش هەرچی پارتی بیڵێت دەتوانێت بیکات.