لە كابینەی نۆیەمدا هەزار و 840 مێگاوات كارەبا بۆ تۆڕی گشتیی زیاد كراوە

ئاڤا نیوز

لە ماوەی كابینەی نۆیەمدا، لەڕێگەی دروستكردنی چەندین وێستگەی نوێی بەرهەمهێنانی كارەبا، هەزار و 840 مێگاوات كارەبا بۆ تۆڕی گشتی زیاد كراوە، هاوكات سێ هەزار و 500 پرۆژەی دابەشكردنی كارەبا و 61 پرۆژەی گواستنەوەی كارەبا جێبەجێ كراون.

وێنە گەورەکە: کابینەی نۆیەمی حكومەتی هەرێمی كوردستان، هەنگاو بە هەنگاو کاری کرد بۆ ئەوەی ژێرخانی کارەبا بەهێزتر بکات، لەپێناو دابینکردنی کارەبای 24 کاتژمێری بۆ هاونیشتمانیان.

بابەتە ستراتیژییەكە: وێستگەکانی گەرمیان، خورمەڵە، بازیان و خەبات، دیارترین پڕۆژەکانی بەرهەمهێنانی کارەبان لە کابینەی نۆیەمدا، کە بەهۆیەوە؛ بەرهەمهێنانی كارەبا بەڕێژەی هەزار و 840 مێگاوات زیادكرا، لەگەڵ ئەوەشدا سێ هەزار و 503 پرۆژەی دابەشكردنی كارەبا و 61 پڕۆژە بۆ گواستنەوەی کارەبا، جێبەجێ كران.

هاوتەریب لەگەڵ بونیادنانی وێستگەکانی کارەبا، سیاسەتی پاراستنی ژینگە پەیڕەو کرا؛ لە ئێستادا زیاتر لە 80%ـی کارەبای هەرێمی کوردستان لە ڕێگای وزەی پاکەوە بەرهەم دێت.

قووڵتر: وردەكاریی بەرهەمهێنانی كارەبا بەمشێوەیە:

٠ 550 مێگاوات، وێستگەی هەڵمی
٠ 500 مێگاوات وزەی پاک
٠ 500 مێگاوات کۆمبایند سایکل
٠ 290 مێگاوات، وێستگەی سووتەمەنی

ڕێژەی بەرهەمهێنانی کارەبا بە گوێرەی جۆری وزە لە هەرێمی کوردستان بەم شێوەیە:

٠ گازی سروشتی 83%
٠ کارۆئاوی 1%
٠ نەوتی ڕەش 11%
٠ گازوایل 5%