کوردستان فاوندەیشن دەشتپێشخەرییەکی نوێی ڕاگەیاند؛ 10 هەزار گەنج لێی سوودمەند دەبن

ئاڤا نیوز

ئەمڕۆ هەینی، کوردستان فاوندەیشن دەستپێشخەرییەکی نوێی بە ناوی "داهێنان لەپێناو هیوا" ڕاگەیاند، کە ئامانجی خزمەتکردنی زیاتر لە 10 هەزار نابینا لە سەرانسەری هەرێمی کوردستانە. ئەم پڕۆژەیە دەرفەتی نوێ بۆ پەروەردە، پەیوەندی و بەهێزکردنی لێهاتوویی نابینایان دەڕەخسێنێت و لە چوارچێوەی پڕۆژەکانی ئارین مەسرور بارزانی بۆ پشتیوانیکردن لە گەنجان دێت.

چیرۆکی سەرەکی: بە سەرپەرشتی ئارین مەسرور بارزانی، کوردستان فاوندەیشن، داهێنانێکی ناوازەی گەنجێکی کوردی بە ناوی هەوراز عەونی ڕاگەیاند، کە یەکەمین پرۆگرامی دیجیتاڵی دەنگی بە زمانی کوردی بۆ یارمەتیدانی نابینایان یان ئەوانەی ئاستی بینینیان زۆر کزە، دروست کردووە.

پرۆگرامەکە توانای خوێندنەوەی پلاتفۆرمە دیجیتاڵییەکان و کتێبە ئەلیکترۆنییەکان بە زمانی کوردی بۆ بەکارهێنەرانی هەیە، کە هەنگاوێکی گەورەیە بۆ ئەوەی نابینایانیش بتوانن سوود لە تەکنەلۆژیا وەربگرن و بە ئاسانی دەستیان بە زانیاری و خوێندنەوە بگات.

زانیاریی بەدەستهاتوو: کوردستان فاوندەیشن جەختی لەوە کردەوە کە ئەم پڕۆژەیە "ڕۆژ بە ڕۆژ فراوانتر دەبێت" و بەڵێنی دووپات کردەوە کە هاوکاری هەر جۆرە بیرۆکە و پڕۆژەیەکی داهێنەرانە دەبن لەپێناو پێشخستنی زیاتری کوردستاندا.

پەیوەست بەم بابەتە: وەک بەشێک لە دەستپێشخەرییەکە، 100 لاپتۆپ دابینکران بۆ نابینایان، کە ئەمەش هەنگاوێکی کردەییە بۆ دابینکردنی ئامێرە پێویستییەکان بۆ سوودوەرگرتن لە داهێنانە تەکنەلۆژییەکان.