لە کەرکووک ماتۆڕسوارێکی دیلیڤەری ژنێک و کوڕێک دەداتە بەر چەقۆ

ئاڤا نیوز

ئێوارەی ئەمڕۆ لە شاری کەرکووک، دەمەقاڵێ لەنێوان ماتۆڕسوارێکی دیلیڤەری و ژن و کورێک دروست دەبێت و لە ئەنجامدا ماتۆڕسوارەکە بە چەقۆ هێرش دەکاتە سەر هەردووکیان و برینداریان دەکات.

لێدوانی فەرمی: سەرچاوەیەک لە بنکەی پۆلیسی ئازادی بە ئاڤای ڕاگەیاند، ئێوارەی ئەمڕۆ لە گەڕەکی دەروازە، کاتێک شۆفێری ماتۆرسکیلێک خواردنی بۆ ماڵێک بردووە، دەمەقاڵێ دروست بووە و شۆفێری ماتۆڕسکیلەکە چەقۆ دەردەکات و ژن و کوڕێکی ماڵەکە بریندار دەکات.

زانیاریی زیاتر: ژنەکە تەمەنی 47 ساڵە و کوڕەکەش تەمەنی 35 ساڵە، لە ئێستادا هەردوو بریندارەکە بۆ چارەسەر گەیێنراونەتە نەخۆشخانەی فێرکاری کەرکووک.