لە لیبیاوە 40 کۆچبەری دەستگیرکراو گەڕێنرانەوە کوردستان

ئاڤا نیوز

حکومەتی هەرێمی کوردستان، 40 هاونیشتمانی کە لە وڵاتی لیبیا دەستگیر کرابوون گەڕاندەوە ئامێزی کەسوکاریان. 

وێنە گەورەکە: لە هەرێمی کوردستان و وڵاتانی ڕۆژئاوا و بەشێکی وڵاتانی کیشوەری ئەفریقا، خەڵکی لە ڕێگەی وڵاتی لیبیا و بەشێوەی کۆچی نایاسایی هەوڵی گەیشتن بە ئەوروپا دەدەن، ئەو ڕێگەیەش مەترسیدارە و کۆچبەران دووچاری دەستگیرکردن و دەیان مەترسی دیکە دەبنەوە.

چیرۆکی سەرەکی: ماوەیەکە 40 هاونیشتمانی لە وڵاتی لیبیا دەستگیرکراون و ئەمڕۆ لە ڕێگەی فرۆکەخانەی نێودەوڵەتیی هەولێر گەڕێنرانەوە هەرێمی کوردستان.

ڕاگەیێنراوی فەرمی: فەرمانگەی میدیا و زانیاریی بڵاویکردەوە: 40 هاونیشتمانی هەرێمی کوردستان، دوای ئەوەی بە شێوەی نایاسایی ڕێگەی هەندەرانیان گرتەبەر، لە وڵاتی لیبیا دەستگیر دەکرێن و دووچاری ڕێگەیەکی سەخت و دژوار بوونەوە، ڕێكاری پێویست بۆ گەڕانەوەیان گیرایەبەر و سەرلەبەیانی ئەمڕۆ یەكشەممە، 26 تشرینی یەکەمی 2025، گەیشتنەوە فڕۆکەخانەی نێودەوڵەتیی هەولێر.


- دوای گەیشتنەوەیان بە خاكی هەرێمی كوردستان، تیمەکانی وەزارەتی ناوخۆ و فەرمانگەی پەیوەندییەکانی دەرەوە، تیمی پزیشکی و هاوکاری، لەگەڵ ئازادکراوان بوون و پشکنینی پێویستی پزیشکییان بۆ ئەنجام درا.


- دوای تەواوبوونی ڕێکارەکانی دڵنیابوونەوە لە سەلامەتییان، تەواوی گەنجە ئازادکراوەکان گەڕێندرانەوە لای كەسوكاریان.