ئەمریکا و چین نزیکن لە ڕێککەوتن

ئاڤا نیوز

نێردەی ئەمریکا دەڵێت، ئەمریکا و چین کاردەکەن بۆ کۆتاییهێنان بە وردەکارییەکانی سەبارەت بە دانوستانە بازرگانییەکان، پێش کۆبوونەوە چاوەڕوانکراوی هەر یەکە لە سەرۆکی ئەمریکا و چین کە بڕیارە لەم هەفتەیەدا لە کۆریای باشوور ئەنجام بدرێت.

لێدوانی فەرمی: سکۆت بێسنت، وەزیری گەنجینەی ئەمریکا ڕایگەیاند، بەرپرسانی ئەمریکا و چین "چوارچێوەیەکی زۆر ئەرێنی"یان داناوە، بەڵام بڕیاری کۆتایی ترەمپ دەیدات.

زانیاریی بەدەستهاتوو: جەیمسۆن گریر، نوێنەری بازرگانی ئەمریکا دەڵێت، پێموایە ئێمە پێشکەوتنمان بەدەستهێناوە وردەکاریی کۆتاییمان ئامادە کردووە کە دواتر هەردوو سەرکردە دەتوانن پێداچوونەوەی پێبکەن و بڕیاری کۆتایی لەبارەیەوە بدەن.
 

زانیاریی زیاتر: دووە ڕۆژ دانوستانە بازرگانییەکانی نێوان ئەمریکا و چین دەستیپێکردووە، نوێنەری ئەمریکاش دەڵێت: ئەم لێکنزیکبوونەوەیەوە ڕێگەی خۆشکرد بۆ کۆبوونەوەیەکی بەرهەمدار لە نێوان دۆناڵد ترەمپ و شی جینپینگ.

ئەوەی لەبارەیەوە دەگوترێت: کارۆلین لیڤیت، سکرتێری ڕۆژنامەوانی کۆشكی سپی دەڵێت، لە 30ـی تشرینی یەکەم لە پەراوێزی لووتکەی هاوکاریی ئابووری ئاسیا و زەریای هێمن، ترەمپ چاوی بە هاوتا چینییەکەی دەکەوێت.