لەسەر تونێلی دەربەندیخان داوایەک ئاراستەی ئەنجوومەنی وەزیران دەکرێت

ئاڤا نیوز

بەڕێوەبەرایەتی گشتیی ئاوەدانكردنەوە و ڕێگەوبانی سلێمانی دەڵێت، تونێلە کۆنەکەی دەربەندیخان کەڵکی نوێکردنەوە و دانانی سیستمی نوێی تێدا نییە، پێویستمان بە دروستکردنی تونێلی نوێ هەیە.

 

لێدوانی فەرمی: ئەندازیار محەممەد جەلیل، بەڕێوەبەری گشتیی ئاوەدانكردنەوە و ڕێگەوبانی سلێمانی بە ئاڤا میدیای ڕاگەیاند: لە سەرەتای ساڵانی 1950 تونێلی دەربەندیخان دروست کراوە، واتە 70 ساڵ پێش ئێستا، قەبارەکەی سایدەکە (تیوب)ـەکەی بچووکە و هیچ سیستمێکی نوێی هەواگۆڕکێ و کامێرا و ڕووناکی سەردەمیانەی بۆ دانانرێت، پێویستی بە سایدی (تبوب)ی دووەم هەیە ئەوەش ئەستەمە بکرێت.

 

بەگوتەی بەڕێوەبەری گشتیی ئاوەدانکردنەوە و ڕێگاوبانی سلێمانی پێشنیازیان کردووە  "بۆ دروستکردنی تونێلێکی نوێ لە شاخی ناوتاق و تەرککردنی تونێلە کۆنەکە، بەڵام ئەنجوومەنی وەزیران لەبەر دۆخی دارایی تاوەکو ئێستا ڕەزامەندی لەسەر نەداوە.

 

هەنگاوی داهاتوو؛ ئەندازیار محەممەد جەلیل دەشڵێت، پێشنیازەکە جارێکی دیکە ئاراستەی کابینەی نوێی حکومەتی هەرێمی کوردستان و ئەنجوومەنی وەزیران دەکەینەوە تا ڕەزامەندی لەسەر بدرێت، چونکە تونێلە کۆنەکەی دەربەندیخان سەرەڕای ئەوەی کەڵکی بەکارهێنانی نەماوە، هاوکات شوێنەکەشی باش نییە.

 

بۆچی گرنگە؛ بە دروستکردنی تونێلی نوێ کاتی نێوان سلێمانی و ئیدارەی سەربەخۆی گەرمیان، لە سێ کاتژمێر و نیو بۆ دوو کاتژمێر کەم دەبێتەوە.