وەزیری کارەبا بۆ ئاڤا: نەمانی کارەبای 24 کاتژمێری لە زستاندا ئەسڵ و ئەساسی نییە

ئاڤا نیوز

وەزیری کارەبای هەرێمی کوردستان لەسەر نەمانی کارەبای 24 کاتژمێری لە وەرزی زستاندا قسە بۆ ئاڤا دەکات و دەڵێت: ئەو بابەتە ئەسڵ و ئەساسی نییە.

چیرۆکی سەرەکی: ڕۆژی شەممە 25-10-2025، دەزگاکانی ڕاگەیاندن لەسەر زاری وتەبێژی وەزارەتی کارەبا بڵاویان کردەوە کە لە وەرزی زستاندا کارەبای 24 کاتژمێری نامێنێت و نرخی کارەبا زیاد دەبێت، لەگەڵ ئەوەشدا جارێکی دیکە کار بە مۆلیدە ئەهلییەکانی نێو گەڕەکەکان دەکرێتەوە.

لێدوانی فەرمی: کەمال محەممەد ساڵح، وەزیری کارەبا بە ئاڤای ڕاگەیاند: بابەتی نەمانی کارەبای 24 کاتژمێری لە زستاندا ئەسڵ و ئەساسی نییە، هەروەها سکاڵای یاسایی دژی ئەو کەناڵە تۆمار دەکەین کە ئەم هەواڵەی بڵاوکردووەتەوە.

ئەوەی پێویستە بیزانیت: پڕۆژەی ڕووناکی بەردەوامە لە فەراوانبوون، لە کۆتاییەکانی ساڵی داهاتوو سەرجەم ناوچەکانی هەرێمی کوردستان دەبنە خاوەنی کارەبای 24 کاتژمێری.