چەند شەقامێکی شاخۆڵان قیرتاو دەکرێن

ئاڤا نیوز

لە سنووری سەرۆکایەتیی شارەوانیی شاخۆڵان ژمارەیەک شەقام قیرتاو دەکرێن، کە گرنگییەکی زۆری بۆ هاتووچۆی دانیشتووانی ناوچەکە هەیە.

چیرۆکی سەرەکی: بە گوژمەی 155 ملیۆن دینار، ژمارەیەک شەقام لە سنووری سەرۆکایەتیی شارەوانیی شاخۆڵان لە سنووری قەزای بەحرکە قیرتاو کران، پڕۆژەکە لەلایەن بەڕێوەبەرایەتیی گشتیی شارەوانییەکانی هەولێر جێبەجێ کرا.

لێدوانی فەرمی: تۆڵە مەهدی خۆشناو، قایمقامی قەزای بەحرکە بە ئاڤا میدیای گوت: سێ شەقامی سەرەکی شاخۆڵان بە رووبەری 10 هەزار مەتردووجا قیرتاوکران، بە گوژمەی 155 ملیۆن دینار، پرۆژەکە ڕاستەوخۆ لە لایەن بەڕێوەبەرایەتیی گشتیی شارەوانییەکانی هەولێر جێبەجێ کرا و کارەکانی تەواو کرا.

بۆچی گرنگە: ئەو سێ شەقامەی قیرتاو کراون شەقمی سەرەکیین و  ئاسانکاری زۆر بۆ هاتووچۆی دانیشتووانی سنووری شاخۆڵان دەکات.