مەسرور بارزانی بڕیارێک لەبارەی پێدانی زەوی بە فەرمانبەرانی عەنکاوە دەردەکات

ئاڤا نیوز

مەسرور بارزانی، سەرۆكوەزیرانی کوردستان لەبارەی دابەشكردنی زەویی بەسەر فەرمانبەرانی عەنكاوەدا بڕیارێک دەردەکات.

وێنە گەورەکە: پڕۆسەی دابەشكردنی زەوی بەسەر فەرمانبەرانی هەرێمی كوردستان بە بڕیاری سەرۆكوەزیران مەسرور بارزانی لە تەواوی ناوچەکان بەردەوامە، لەم چوارچێوەیەدا وردبینی بۆ فۆرمی زیاتر لە 485 هەزار فەرمانبەر کراوە لە سەرتاسەری هەرێمی کوردستان.

ڕاگەیێنراوی فەرمی: وەزارەتی شارەوانی ڕایگەیاند، سەرۆكوەزیران مەسرور بارزانی، ڕەزامەندی نیشاندا لەسەر گواستنەوەی شوێنی دابەشكردنی زەویی فەرمانبەرانی عەنكاوە لە سنووری سەرۆكایەتیی شارەوانیی عەنكاوە بۆ سنووری سەرۆكایەتیی شارەوانیی هەولێر و دیاریكردنی زۆنێكی تایبەت بە كریستیانەكان لە نەخشەی كەرتی کە ژمارەیان هەزار و 279 فەرمانبەرە.

زانیاریی زیاتر: بڕیارەکە بەهۆی سنوورداریی ڕووبەری زەوی لە سنووری شارەوانیی عەنکاوە و نەبوونی زەویی پێویستە بۆ فەرمانبەرانی عەنکاوە، هەروەها پاراستنی تایبەتمەندیی پێکهاتەی کریستیانەکان لە هەولێر دەرچوو، بۆ ئەو مەبەستەش شارەوانیی هەولێر بۆ ئەنجامدانی کاری پێویست ڕاسپێردراوە.