بایدن بەتووڕەییەوە داوای ئاگربەستی دەستبەجێ لە نەتانیاهۆ دەكات

ئاڤا نیوز

ئەمڕۆ سەرۆكی ئەمریكا و سەرۆكوەزیرانی ئیسرائیل پەیوەندیەكی تەلەفۆنیيان ئەنجامدا، كۆشكی سپی دەڵێت "بایدن زۆر توڕە بووە و داوای ئاگربەستی دەستبەجێی كردووە".

وێنە گەورەكە: دوای كوشتنی حەوت كارمەندی ڕێكخراوی تەندروستی جیهانی، ئەمە یەكەمین جارە بادین و نەتانیاهۆ بە تەلەفۆن قسەدەكەن، ئەمریكا نیگەرانە لە سیاسەتەكانی ئیسڕائیل و بەردەوامی شەڕ لە كەرتی عەززە، توڕەیە و داوای ئاگربەست دەكات.

ڕاگەیێنراوی فەرمی: كۆشكی سپی ڕایگەیاند: ئەمڕۆ  جۆ بایدن، سەرۆكی ئەمریكا بەنیگەرانییەوە لەگەڵ بنیامین نەتانیاهۆ سەرۆكوەزیرانی ئیسرائیل گفتوگۆی كرد، بایدن بە نیگەرانییەوە داوای دەستبەجێ ئاگربەستی لە نەتانیاهۆكرد، لە كەرتی غەززە.

ئەوەی پێویستە بیزانیت: دوێنێ لە كۆبوونەوەی لوتكەی ناتۆدا، ئەنتۆنی بلینكن، وەزیری دەرەوەی ئەمریكا گوتی: ئەگەر ئیسرائیل بەردەوامبێت لە كوشتار، بە سیاسەتەكانی ئەمریكا دەچینەوە بەرامبەر بە تێلئەڤیڤ.