کیم و ترەمپ کۆدەبنەوە؟

ئاڤا نیوز

بەرپرسێکی کۆریای باشوور لەبارەی دیداری کیم و ترەمپ ئاماژە بەوە دەکات، بەگوێرەی هەڵسەنگاندنی گشتی ئیدارەکەیان هیچ نیشانەیەکی تایبەت نییە کە دەریبخات کە ئەم کۆبوونەوەیە ئەنجام بدرێت. 

وێنە گەورەکە: دۆناڵد ترەمپ، سەرۆکی ئەمریکا بە گەشتێکی یەک هەفتەی سەردانی ئاسیای کردووە، دوێنی لە مالیزیا بوو، بڕیارە سەردانی ژاپۆن و کۆریای باشووریش بکات و کە چاوەڕێ دەکرێت لەگەڵ شی جین پینگی هاوتا چینییەکەیشی کۆببێتەوە و خواستی خۆشی بۆ ئەنجامدانی دیدار لەگەڵ کیم جۆنگ ئون، ڕێبەری کۆریای باکوور دەربڕی، بەڵام هەندێک سەرچاوە ئەگەری دیدارێکی لەم شێوەیە ڕەتدەکەنەوە. 

 زانیاریی بەدەستهاتوو: ئۆه هیون جو، جێگری بەڕێوەبەری ئاسایشی نیشتمانی بۆ نووسینگەی سەرۆکایەتیی کۆریای باشوور ڕایگەیاند، باوەڕم بەوە نییە کۆبوونەوەی نێوان دۆناڵد ترەمپ، سەرۆکی ئەمریکا و کیم جۆنگ ئون، سەرۆکی کۆریای باکوور بەم نزیکانە ڕووبدات.

لەلایەکی دیکەوە: ئەمە لە کاتێکدایە پێشتر سەرۆکی ئەمریکا ویستی خۆی بۆ بینینی کیم جۆنگ ئون، سەرۆکی کۆریای باکوور دەربڕی و جەختی لەوە کردوەوە 100% کراوەیە بۆ ئەنجامدانی کۆبوونەوە لەگەڵ کیم.