ئەمینداری حیزبوڵڵا وردەکاریی نوێ لەبارەی هێرشکردنە سەر ماڵی نەتەنیاهۆ ئاشکرا دەکات

ئاڤا نیوز

بۆ یەکەمجار، ئەمینداری گشتیی حیزبوڵڵای لوبنان، وردەکارییەکانی ئۆپەراسیۆنی بەئامانجگرتنی ماڵی بنیامین نەتانیاهۆ، سەرۆکوەزیرانی ئیسرائیل و هۆکاری ڕەتکردنەوەی سەردانی ئێرانی لە کاتی جەنگدا، ئاشکرا کرد.

چیرۆکی سەرەرکی: نەعیم قاسم، ئەمینداری گشتیی حیزبوڵڵای لوبنان لە چاوپێکەوتنێکدا لەگەڵ کەناڵی "ئەلمەنار"ی سەر بە حیزبوڵڵا، چەند نهێنییەک لەبارەی بە ئامانجگرتنی ماڵەکە نەتانیاهۆ و نەچوونی بۆ ئێران ئاشکرا دەکات.

لێدوانی ڕۆژنامەوانی: نەعیم قاسم ڕایگەیاند، هێرشکردنە سەر ماڵی بنیامین نەتانیاهۆ، سەرۆکوەزیرانی ئیسرائیل، کردەیەکی "مەبەستدار" بووە و ئامانجەکەی پێکانی ماڵەکەی یان خودی نەتانیاهۆ بووە. ڕوونیشیکردەوە کە زانیاریی وردی نەخشەیی لەلایەن "یەکێک لە برایان لە مەیدان"ـەوە بەدەست هاتبوو، کە توانی نەخشەکە بە وردی دیاری بکات و هێرشەکە سەرکەوتوو بێت.

هۆکاری سەرداننەکردنی ئێران لە کاتی جەنگدا

سەبارەت بە هۆکاری سەردانینەکردنی ئێران، قاسم جەختی کردەوە کە بڕیارەکە لەسەر بنەمای "ڕەچاوکردنێکی ئەخلاقیی کەسی و ڕەچاوکردنێکی مەیدانی لە بەڕێوەبردنی شەڕەکەدا" بووە. وتیشی حیزبوڵڵا خۆی بە سەرکردایەتی ناوخۆیی شەڕەکەی بەڕێوەبردووە، هەرچەندە خامنەیی، ڕابەری باڵای ئێران، هەموو جۆرە پشتیوانییەکی پێشکەش کردووە و بە وردی بەدواداچوونی بۆ شەڕەکە کردووە.

بەئامانجگرتنی تەلئەبیب و وردبینی لە هێرشەکاندا

قاسم ئاشکرای کرد کە حیزبوڵڵا "ناوبەناو تەلئەبیبی کردووەتە ئامانج"، بە تایبەت پێش ڕێککەوتنی ئاگربەست بۆ "خێراترکردنی" پرۆسەکە. هەروەها باسی لەوە کرد کە لێدانێکی کاریگەری 23ی ئەیلولی ڕابردوو، کە هەزار و 600 هێرش و 550 کوژراوی لێکەوتەوە، کاریگەری زۆری هەبووە. قاسم جەختی لە وردبینی لە هێرشەکان و بەئامانجگرتنی تەنیا "ئامانجە سەربازییەکان" کردەوە، بۆ پاراستنی بەرژەوەندییەکان و خۆپاراستن لە باجێکی گران.

بڕیاری پشتیوانیکردنی غەززە: بڕیارێکی سیاسی و ئەخلاقی

لە کۆتاییدا، قاسم دووپاتی کردەوە بڕیاری بەشداری لە "شەڕی پشتیوانیکردنی غەززە" لەسەر بنەمای "سیاسی، ئەدەبی، ئەخلاقی و باوەڕ و قەناعەت" وەرگیراوە. ئەو پێی وایە ئەم بەشداریکردنە لە شوێنی خۆیدا بووە و ئەگەر دووبارەش بێتەوە، بە هەمان شێوە دەیانکردەوە، چونکە ناتوانرێت ڕێگە بدرێت دوژمن بە شێوەی جینۆساید هێرش بکاتە سەر بەرگرییەک لەسەر سنوورەکان و دواتر ڕوو لە ناوچەکانی دیکە بکات.