بەسەرپەرشتیی سەرۆک بارزانی، لە دهۆک کۆنفرانسێکی نێودەوڵەتیی تایبەت بە جینۆساید بەڕێوەدەچێت

ئاڤا نیوز

بەڕێنمایی و سەرپەرشتیی سەرۆک بارزانی، سبەی سێشەممە کۆنفرانسێکی زانستیی نێودەوڵەتیی تایبەت بە جینۆساید، لە شاری دهۆک بەڕێوەدەچێت و دوو ڕۆژ بەردەوام دەبێت.

چیرۆکی سەرەکی: بەڕێنمایی و سەرپەرشتیی سەرۆک بارزانی، 28-29ـی ئەم مانگە، پێنجەمین کۆنفرانسی زانستیی نێودەوڵەتیی (دیکیۆمێنتکردنی زانستی تاوانەکانی ئەنفال و گۆڕە بەکۆمەڵەکان، بەرەو دانپێدانانی نێودەوڵەتی بە جینۆسایدی گەلی کورد) لە زانکۆی دهۆک بەڕێوەدەچێت.

ئەوەی پێویستە بیزانیت: لە دوو ڕۆژی کارەکانی کۆنفرانسەکە ژمارەیەک پانێل دەربارەی بابەتی زانستی و ڕۆڵ و کاریگەرییان لە پرسی جینۆساید پێشکەش دەکرێن، لەوانە :

٠ تەکنەلۆژیای DNA و ڕۆڵی لە ناسینەوە و دووبارە بەخاکسپاردنەوەی قوربانیانی جینۆساید.

٠ جینۆسایدی نەرم لە بەرامبەر هەرێمی کوردستان لە ڕێگەی پەکخستنی ماددە دەستوورییەکان.

٠ ژیریی دەستکرد تا چەند هاوکار دەبێت لە ڕێگری کردن لە جینۆساید یان دەبێتە ئامرازێک بۆ ئەنجامدانی جینۆساید.

٠ ئالنگاری یاسایی و ئەخلاقی سەردەم.

٠ مۆدێلەکانی زانستی بۆ ناساندنی جینۆساید.

٠ ئەرشیفی نەتەوەیی و دیکیۆمێنتکردنی جینۆساید.

زانیاریی زیاتر: ژمارەیەک لە لێکۆلەر، پسپۆڕان و مامۆستایانی زانکۆی ناوخۆ و دەرەوە بەشداری لە کۆنفرانسەکە دەکەن.