بوومەلەرزەیەک بە پلەی 6.1 ڕێختەر تورکیای هەژاند

ئاڤا نیوز

ئەمشەو، بوومەلەرزەیەک بە گوڕی 6.1 پلەی ڕێختەر لە ناوچەی سندیری سەر بە پارێزگای باڵیکئەسیر لە ڕۆژئاوای تورکیا ڕووی دا.

زانیاریی بەدەستهاتوو: بەپێی زانیارییەکانی ماڵپەڕی سەرۆکایەتی بەڕێوەبردنی کارەسات و فریاگوزارییەکانی تورکیا، بوومەلەرزەکە 6.1 پلە بووە و ناوەندی بوومەلەرزەکە لە قەزای سندیریی باڵیکئەسیر بووە. لە قووڵی 5.99  کیلۆمەتر ڕووی داوە.

ئەم ڕووداوە لە چەندین پارێزگای دیکە، لەوانەش ئیستەنبوڵ، ئیزمیر، بۆرسا، ئایدن و پارێزگاکانی دیکەی دەوروبەریش هەستی پێکراوە.

لێدوانی فەرمی: رەجەب تەیب ئەردۆغان، سەرۆککۆماری تورکیا ڕایگەیاند، هیوای باشی بۆ هەموو ئەو کەسانە دەخوازم کە بەهۆی بوومەلەرزەکەوە زیانیان بەرکەوتووە و تیمەکانی بەڕێوەبردنی کارەسات و فریاگوزارییەکانی تورکیا بەوردی بەردەوامن لە کارەکانیان لە ناوچە زیان بەرکەوتووەکان و بە وردی چاودێری دۆخەکە دەکەین، لە خوا داواکارم وڵات و نەتەوەکەمان لە هەموو جۆرە کارەساتێک بپارێزێت.

باکگراوند: لە مانگی هەشتی ئەمساڵ بە گوڕی 6.1 پلەی ڕێختەر بە هەمانشێوە بوومەلەرزە لە شارۆچکەی سندرگی تورکیا ڕوویدا.