زێلێنسکی: پێویستە چین پاڵپشتییەکانی بۆ ڕووسیا ڕابگرێت

ئاڤا نیوز

بڕیارە هەر یەکە لە دۆناڵد ترەمپ، سەرۆکی ئەمریکا و شی جین پینگ، سەرۆکی چین کۆببنەوە، پەیوەست بەمەش سەرۆکی ئۆکراینا داوا دەکات ئەمریکا فشار بخاتە سەر چین بۆ ئەوەی پشتگیرییەکانی بۆ ڕووسیا ڕابگرێت.

وێنە گەورەکە: دۆناڵد ترەمپ، سەرۆکی ئەمریکا لەم هەفتەیەدا یەکەم سەردانی خۆی بۆ کیشوەری ئاسیا ئەنجامدا، لە چوارچێوەی ئەم سەردانە، بڕیارە ترەمپ لە 29 مانگ بگاتە کۆریای باشوور بۆ بەشدارییکردن لە لووتکەی هاوکاری ئابووری ئاسیا و زەریای هێمن، لەوێ چاوی بە سەرۆکی چین بکەوێت.

چی ڕوودەدات: کڕینی نەوتی ڕووسیا لەلایەن چینەوە سوودی بۆ مۆسکۆ هەیە و وەک سەرچاوەیەکی دارایی لە شەڕی لەگەڵ ئۆکراینا بەکاردەهێنێت، ترەمپ پێشتر ڕاگەیاندبوو لە داهاتوودا هەوڵی ئەوە دەدات چین ئەمە ڕابگرێت.

لێدوانی فەرمی: ڤۆلۆدیمیر زێلێنسکی، سەرۆکی ئۆکراینا داوای لە دۆناڵد ترەمپ، سەرۆکی ئەمریکا کرد، فشار بخاتە سەر شی جین پینگ، سەرۆکی چین بۆ ئەوەی پشتگیرییەکانی بۆ ڕووسیا ڕابگرێت و دەشڵێت، پێموایە ئەمە یەکێک بێت لە هەنگاوە بەهێزەکانی ترەمپ. هاوکات بەهۆی فشارەکانەوە چین ئامادەبێت هاوردەکردن" لە ڕووسیاوە کەمبکاتەوە''.