بافڵ تاڵەبانی: نامانەوێت پارتی بڕوخێنین

ئاڤا نیوز

 

سەرۆکی یەکێتی لە ئاهەنگی بانگەشەی حیزبەکەی لە کەرکووک ڕایگەیاند، "کەرکووک بە دیموکراسی و یەکڕیزی ڕزگار کراوە نەک بە شەڕ و جەنگ". پاشان سەرۆکی یەکێتی پەیامی ئاراستەی لایەنەکان کرد، باسی پارتی کرد و گوتی، "ئێمە نامانەوێت پارتی بڕوخێنین".

 

لێدوانی فەرمی؛ بافڵ تاڵەبانی، سەرۆکی یەکێتیی نیشتمانیی کوردستان ئەمڕۆ لە کەرکووک بەشداری لە بانگەشەی حیزبەکەی کرد. بافڵ تاڵەبانی سەرەتا وەسفی شارەکەی کرد و گوتی: کەرکووک نموونەی پێکەوەژیانە لە عێراقدا.

 

ئەوەی پێویستە بیزانیت؛ لە بەشێکی دیکەی وتارەکەیدا کە لەبەردەم لایەنگرانی حزبەکەی پێشکەشی کرد،  بافڵ تاڵەبانی گوتی، "کەرکووک بە دیموکراسی و یەکڕیزی ڕزگار کراوە نەک بە شەڕ و جەنگ". پاشان بافڵ تاڵەبانی، سەرۆکی یەکێتی پەیامی ئاراستەی لایەنەکان کرد، ئەو باسی پارتی دیموکراتی کوردستانی کرد کرد و گوتی، "ئێمە نامانەوێت پارتی بڕوخێنین".

تەنانەت گوتی، "ئەگەر هەرێمی کوردستانیش هەڕەشەی لەسەر بێت ئێمە دەیپارێزین". بەڵێنیشی بە خەڵکی کەرکووک دا زیاتر خزمەتیان بکەن.

 

لەلایەکی دیکە؛ کێشەی جووتیاران و پرسی خوێندنی کوردی دوو لە کێشەکانی ئێستای کەرکووکن. بافڵ تاڵەبانی لەوبارەیەوە دڵنیایی بە جووتیاران دا کە مافیان لە کەرکووک پارێزراوە. لەبارەی خوێندنی کوردیش گوتی: دەبێت خوێندکارانی کەرکووک بە کوردی بخوێنن، قبووڵ ناکەین کەس ئەو مافەمان لێ زەوت بکات.

سەرۆکی یەکێتی بەڵێنی چارەسەرکردنی کێشەی مووچەی مامۆستایانیشی دا و وتی: سیستەمێک دادەنێین مووچەیان  بگوازینەوە سەر بەغدا.