زانکۆلاین بۆ دەرچووانی پۆلی 12ـی ئامادەیی ناوچە کوردستانییەکانى دەرەوەى هەرێم کارا کرا

ئاڤا نیوز

 

لە کاتژمێر12ی ئەمرۆوە دەرچووانی پۆلی 12ی ئامادەیی ناوچە کوردستانییەکانى دەرەوەى هەرێم، هاوشێوەی دەرچوانی هەرێمی کوردستان، دەتوانن داواکاری لەڕێگەی زانکۆلاین بۆ وەرگرتنیان لە زانکۆ حکومییەکانی هەرێمی کوردستان پێشکەش بکەن.

 

ڕاگەیەنراوی فەرمی: وەزارەتی خوێندنی باڵاو توێژینەوەی زانستی حکومەتی هەرێمی کوردستان بڵاوی کردەوە، زانکۆلاین بۆ ناوچە کوردستانییەکانى دەرەوەى هەرێم (کەرکوک، خانەقین، شەنگال) کارا کرا و تاکو ڕۆژی دوشەممە (2025/11/3) دەتوانن لە هەمان سایتی زانکۆلاین (regayzanko.com) داواکارییەکانیان بۆ وەرگرتن لە زانکۆ حکومییەکانی هەرێمی کوردستان پێشکەش بکەن.

 

ئەمەش بزانە: هەر لە ڕاگەیێنراوەکەی وەزارەتی خوێندنی باڵا و توێژینەوەی زانستی حکومەتی هەرێمی کوردستاندا  هاتووە، "ئەوانەی ناویان لە نوسینگەی کەرکوکی وەزارەتەکەمان تۆمارکردوە بۆ هەر کێشە و گرفتێک سەبارەت بە پرۆسەکە، دەرچوان دەتوانن سەردانی نوسینگەی کەرکوکی وەزارەتەکەمان بکەن و ئاسانکاری و ڕێنوێنیان پێشکەش دەکرێت".

 

زانیاریی زیاتر: هەزار و 368 قوتابی ناوچە کوردستانییەکانی دەرەوەی ئیدارەی هەرێم،  دەتوانن بە کۆدەکانیان بچنە ناو سیستم و ڕاستەوخۆ داواکاری بۆ وەرگرتن لە هەمان سایتی زانکۆلاین پێشکەش بکەن و بەهەمان مەرج و پێوەرەکانی وەرگرتنی خوێندکارانی کوردستان لە زانکۆ و پەیمانگە حکومییەکانی هەرێمی کوردستان وەردەگیرێن.