کارەبای نزیکەی 45 هەزار هاوبەشی دیکە دەبێتە 24 کاتژمێری

ئاڤا نیوز

 

پڕۆژەی ڕووناکی لە سۆران لە جێبەجێکردندایە و سبەی سەنتەری قەزای ناوەندیی سۆران کارەبایان دەبێت بە 24 کاتژمێری، کار لەسەر پێنج قەزاکەی دیکەیش دەکرێت تاوەکو ناوەڕاستی مانگی داهاتوو پڕۆژەی ڕووناکی لێ جێبەجێ بکرێت.

 

وێنە گەورەکە: پڕۆژەی ڕووناکی پڕۆژەیەکی ستراتیژیی حکومەتی هەرێمی کوردستانە کە لە کابینەی نۆیەم بڕیاری لەسەر درا و کەوتە بواری جێبەجێکردنەوە، بەگوێرەی ئەو پلانەی دانراوە تا کۆتایی ساڵی 2026 کارەبای سەرجەم ماڵ و شوێنە بازرگانییەکان دەبێتە 24 کاتژمێری بە تێچووی کەمتر و لە ژینگەیەکی پاکتر.

 

لێدوانی فەرمی: ئەردەوان ئیبراهیم، بەرێوەبەری گشتیی کارەبای سۆران بە ئاڤای گوت، "سبەی پێنجشەممە کارەبای نزیکەی 45 هەزار هاوبەش دەبێتە 24 کاتژمێری و لە پڕۆژەکە سوودمەند دەبن، کە دانیشتووانی سەنتەری قەزای سۆران و ناحیەی دیانا دەگرێتەوە."

 

زانیاریی زیاتر: بەگوتەی بەرێوەبەری گشتیی کارەبای سۆران، تیمەکانی پڕۆژەی ڕووناکی لە قەزاکانی ڕواندز، خەلیفان، مێرگەسۆر، سیدەکان و چۆمان کار لەسەر ڕێکارە تەکنیکییەکان دەکەن، ئەگەر زۆرە سەرەتای مانگی 11 کارەبای ئەو شوێنانەش بکرێت بە 24 کاتژمێری.