سەرۆك بارزانی: ئه‌مجاره‌ش هێز و گه‌وره‌یی پێگه‌ی پارتی نیشانی هه‌مووان دەدەینەوە

ئاڤا نیوز

سەرۆك بارزانی لە میانەی كۆبوونەوەیەكیدا لەگەڵ بەشێك لە جەماوەر و چین و توێژەكانی دهۆك گوتارێكی پێشكەش كرد و باسی لە پرۆسەی هەڵبژاردنی خولی شەشەمی پەرلەمانی عێراق و ئاوەدانكردنەوەی كوردستان و پێكەوەژیان و ئایین و پێكهاتەكان كرد.

چیرۆکی سەرەکی: ئەمڕۆ چوارشەممە 29-10-2025، سەرۆک مەسعود بارزانی سەردانی شاری دهۆکی کرد و لەگەڵ بەشێك لە جەماوەر و چین و توێژەكانی ئەو شارە کۆبووەوە.

پەیامی فەرمی: سەرۆك بارزانی ڕایگەیاند: پارتی هه‌ر له‌ سه‌ره‌تاوه‌ باوه‌ڕی به‌ هه‌ڵبژاردن و ده‌نگی خه‌ڵك و هاووڵاتی هه‌بووه‌ و هه‌ر له‌ یه‌كه‌م هه‌ڵبژاردنه‌وه‌ تا دوا هه‌ڵبژاردن هه‌ر یه‌كه‌م بووه‌.

گوتیشی، پارتی هه‌میشه‌ خۆی به‌ به‌رپرسیار زانیوه‌ و هیچ كاتێك له‌ به‌رپرسیاریه‌تی ڕاینه‌كردووه‌ و به‌رپرسیاریه‌تیشی نه‌خستووه‌ته‌ ئه‌ستۆی كه‌س، به‌ پێچه‌وانه‌وه‌ به‌رپرسیاریه‌تیی خه‌ڵكی دیكه‌شی هه‌ڵگرتووه‌.

لەلایەکی دیکەوە: سه‌باره‌ت به‌ هه‌ڵبژاردن و قۆناغی دوای هه‌ڵبژاردن له‌ عێراق، سه‌رۆك بارزانی هیوای خواست كه‌ دوای هه‌ڵبژاردن، دۆخه‌كه‌ باش ببێت و بگۆڕدرێت و هیوای خواست كێشه‌كان چاره‌سه‌ر بكرێن، سوپاسی خه‌ڵكی كوردستانیشی كرد بۆ خۆڕاگرییان به‌رامبه‌ر هه‌موو پیلانه‌كان و نه‌ناردنی موچه‌ و سه‌لماندییان كه‌ بۆ هیچ شتێك سه‌ردانانه‌وینن .

زانیاریی زیاتر: له‌باره‌ی پێكهێنانی حكومه‌تی نوێی هه‌رێمی كوردستان، سه‌رۆك بارزانی باسی له‌ به‌رده‌وامیی هه‌وڵه‌كان له‌ نێوان پارتی دیموكراتی كوردستان و یه‌كێتیی نیشتمانیی كوردستان كرد به‌ پێی ئیستحقاقی هه‌ڵبژاردن و هیواشی خواست هه‌رچی زووتره‌ حكومه‌تی نوێ پێكبهێندرێت.

سەرۆك بارزانی داوای لە ئەندام و لایەنگر و دەنگدەرانی پارتی كرد كە ئەمجارەش هێز و گەورەیی پێگەی پارتی نیشنانی هەمووان بدەنەوە، گوتیشی، هه‌ر كه‌سێكیش ویژدانی هه‌بێت، ده‌زانێت مه‌سه‌له‌ی پاراستن و ئه‌ركی پاراستنی كوردستان له‌ ئه‌ستۆی كێیه‌ و ده‌شزانێت كێ خزمەتی كوردستانی كردووە.

جه‌ختیشی له‌ شانازیكردن به‌م فه‌رهه‌نگه‌ مه‌زنه‌ له‌ كوردستان و زیاتر چه‌سپاندن و به‌رده‌وامیدان به‌ بنه‌ماكانی پێكه‌وه‌ژیان كرده‌وه‌.