ڕێبەر ئەحمەد: لایەنەکانی کوردستان پابەندی ڕێنماییەکانی لیژنەی باڵای ئەمنی هەڵبژاردنن

ئاڤا نیوز

وەزیری ناوخۆی حکومەتی هەرێمی کوردستان ڕایگەیاند، کە لایەنەکان پابەندی ڕێنماییەکانی کۆمیسیۆنی باڵای سەربەخۆی هەڵبژاردنەکانی عێراق و لیژنەی باڵای ئەمنی هەڵبژاردنن لە هەرێمی کوردستان.

لێدوانی فەرمی: ڕێبەر ئەحمەد، وەزیری ناوخۆی حکومەتی هەرێمی کوردستان لە کۆنگرەیەکی ڕۆژنامەوانیدا ڕایگەیاند: تاوەکو ئێستا هەڵمەتی هەڵبژاردن لە هەرێمی کوردستان بە ئارامی بەڕێوەدەچێت و سەرجەم لایەنەکانیش پابەندی ڕێنماییەکانی کۆمیسیۆنی باڵای سەربەخۆی هەڵبژاردنەکانی عێراق و لیژنەی باڵای ئەمنین لە هەرێمی کوردستان.

 

لەلایەکی دیکەوە: وەزیری ناوخۆی حکومەتی هەرێمی کوردستان وتی: هەموو هەماهەنگییەکی پێویست کراوە و پلانی پێویست داڕێژراوە، وەک هەموو هەڵبژاردنەکانی دیکە خوازیارین ئەم هەڵبژاردنەش بەڕێکوپێکی بەڕێوەبچێت.

باکگراوند: بڕیارە 11-11-2025، هەڵبژاردنی ئەنجوومەنی نوێنەرانی عێراق بەڕێوەبچێت.