ئەمریکا یاسای قەیسەر لەسەر سووریا هەڵدەوەشێنێتەوە

ئاڤا نیوز

لە دوای ڕووخانی ڕژێمی ئەسەد لە سووریا بەشێک لە سزاکانی سەر ئەو وڵاتە هەڵگیراون، ئەمریکاش دەیەوێت بە تەواوی سزاکانی سەر ئەو وڵاتە هەڵبگرێت.

وێنە گەورەکە: یاسای قەیسەر ئەو سزایەیە لە ساڵی 2020 لەسەر سووریا خرایە بواری جێبەجێ کردنەوە بە ئامانجی کۆتایهێنان بە جەنگ و ئەنجامدانی چاکسازی لە سووریا بوو، ئەو سزایە هەموو ئەو کۆمپانیایانەی کردووەتە ئامانج کە لەگەڵ ئەسەد کاریان دەکرد.

لێدوانی فەرمی: وتەبێژێک لە وەزارەتی دەرەوەی ئەمریکا ڕایگەیاند، ئیدارەی سەرۆک ترەمپ پشتیوانی لە هەڵوەشاندنەوەی یاسای قەیسەر دەکات لە چوارچێوەی پڕۆژەیاسای بەرگریی نیشتمانی کە ئێستا لەلایەن یاسادانەرانی ئەمریکاوە گفتوگۆی لەسەر دەکرێت.

زانیاریی زیاتر: ئەو وتەبێژەی وەزارەتی دەرەوەی ئەمریکا وتیشی، ئەمریکا لە پەیوەندی بەردەوامدایە لەگەڵ هاوبەشەکانی و پێشوازی لە هەر وەبەرهێنانێک یان بەشداریکردنێک لە ئاوەدانکردنەوەی سووریا دەکات کە پشتیوانی لە چانسی هەموو سوورییەکان بکات بۆ ئەوەی وڵاتێکی ئارام و ئاوەدانیان هەبێت.