ئەمریکا لە سێ مانگی سەرەتای ئەمساڵ 66 ئۆپەراسیۆنی لە عێراق كردووە

ئاڤا نیوز 

فەرماندەیی ناوەندیی ئەمریکا ڕایگەیاند، لە سێ مانگی سەرەتای ئەمساڵ 94 ئۆپەراسیۆنی هاوبەشی لە عێراق و سووریا كردووە و 18 چەکداری داعشیان کوشتووە.

وێنە گەورەكە: هاوپەیمانی نێودەوڵەتی دژی داعش بە سەرکردایەتی ئەمریکا بەردەوامە لە پاڵپشتیکردنی هێزە ئەمنییەکانی عێراق و هێزەکانی پێشمەرگە و هێزەکانی سووریای دیموکرات لە ڕۆژئاوای کوردستان، لەكاتێكدا هێزە شیعەكانی عێراق داوای كشانەوەی ئەمریكا دەكەن.

لێدوانی فەرمی: ژەنەراڵ مایکڵ ئیکەر، فەرماندەی فەرماندەیی ناوەندیی ئەمریکا ڕایگەیاند: "بە هەماهەنگی لەگەڵ هاوبەشەکانمان لە عێراق و سووریا لە ماوەی سێ مانگی یەکەمی ئەمساڵ، 94 ئۆپەراسیۆنی سەربازیمان كردووە. بەهۆیەوە 18 چەکداری داعش کوژراون و 63 چەکداری دیکە دەستگیر کراون".

زانیاریی زیاتر: "66 ئۆپەراسیۆن لە عێراق، لە ئەنجامدا 11 چەکداری داعش کوژراون و 36ی دیکەیان دەستگیر کراون، لە سووریاش 28 ئۆپەراسیۆن، حەوت چەکدار کوژراون و 27 ی دیکە دەستگیرکراون".

باکگراوند: هاوپەیمانی نێودەوڵەتیی دژی داعش لە مانگی10ی 2014 وە بە سەرۆکایەتی ئەمریکا دامەزراوە و 86 وڵات تێیدا ئەندامن، ئامانجە سەرەکییەکەیان تێکشکاندنی ڕێکخراوی داعشە.