بافڵ تاڵەبانی: هەولێر پڕۆژەی بۆ چییە کاتێک ئازادی نەبێت؛ ئومێد خۆشناو وەڵامی دەداتەوە

ئاڤا نیوز

بافڵ تاڵەبانی، سەرۆکی یەکێتی لەهەولێر بەشداری لە ئاهەنگێکی حیزبەکەی کرد و وتی، هەولێر ڕێگاو بان و پڕۆژەی خزمەتگوزاری و بینای بەرزی بۆ چییە کە ئازادی تێدا نەبێت، پارێزگاری هەولێریش وەڵامی دەداتەوە و دەڵێت، پێم سەیرە دوای لالەزار سەرۆکی یەکێتی باسی ئازادی دەکات.

چیرۆکی سەرەکی: بافڵ تاڵەبانی، سەرۆکی یەکێتیی نیشتمانی کوردستان، ئەمڕۆ لە هەولێر بەشداری ئاهەنگێکی حیزبەکەی کرد و باسی ئازادی و پڕۆژەکانی خزمەتگوزاری کرد.

پەیامی فەرمی: بافڵ تاڵەبانی، سەرۆکی یەکێتی هەرچەندە بە ئاشکرا ناوی پارتی نەبرد، بەڵام وتی، هەولێر ڕێگاو بان و پڕۆژەی خزمەتگوزاری و بینای بەرزی بۆ چییە کە ئازادی تێدا نەبێت، بەڵێنی بە کادیرانی یەکێتیش دا، لە هەفتەیەکدا جارێک سەردانی هەولێر بکات، بۆ بەرگریکردن لە کورد و تورکمان و مەسیحییەکانی هەولێر.

بۆچوونی لایەنی بەرامبەر: ئومێد خۆشناو، پارێزگاری هەولێر وەڵامی پەیامەکەی دایەوە و وتی، ئێمە چاوەڕوان بووین، سەرۆکی یەکێتی بڵێ ئەو ئاوەدانیەی لە هەولێر هەیە دەیگوازمەوە بۆ ناوچەکانی ژێر دەسەڵاتی خۆمان، نەک بەو شێوەیە قسە بکا، کە پرۆژەی پێ ناکرێ با سەیری پرۆژەکانی ئێمە بکات.

لەبارەی ئازادیش، پارێزگاری هەولێر دەڵێت، پێم سەیرە دوای لالەزار سەرۆکی یەکێتی باسی ئازادی دەکات.