حکومەتی هەرێمی کوردستان بۆ ماوەی حەوت ڕۆژ پشووی لە ناوەندەکانی خوێندن ڕاگەیاند

ئاڤا نیوز


وەزیری پەروەردەی حکومەتی هەرێمی کوردستان، حەوت ڕۆژ پشووی بەهۆی بەڕێوەچوونی پرۆسەی هەڵبژاردنی خولی شەشەمی پەرلەمانی عێراق ڕاگەیاند، سەرجەم ناوەندەکانی خوێندنی حکومی و ئەهلی دەگرێتەوە.

وێنە گەورەکە: بڕیارە ڕۆژی 11-11-2025 پرۆسەی هەڵبژاردنی خولی شەشەمی پەرلەمانی عێراق بکرێت، بەشێکی زۆری ناوەندەکانی خوێندن دەبنە بنکە و وێستگەی دەنگدان لەو پرۆسەیە، بەوهۆیەوە دەوام لە ناوەندەکانی خوێندن دەوەستێت.

لێدوانی فەرمی: د. ئالان حەمە سەعید، وەزیری پەروەردەی حکومەتی هەرێمی کوردستان لە کۆنگرەیەکی ڕۆژنامەوانیدا گوتی، " لەسەرجەم ناوەندەکانی خوێندن حکومی و ئەهلی لە پێنجشەممە 06-11-2025 پشووە تاوەکو چوارشەممە 12-11-2025 پشووە، هیچ ناوەندێک بۆی نییە دەرگا بەڕووی دەوامدا بکاتەوە."

گوتیشی، ڕۆژی 12-11-2025 دەوامی ناوەندەکانی خوێندن ئاسایی دەبێتەوە، دوو کاتژمێری یەکەمی دەوام دەتوانن  ئەگەر بیانەوێت ناوەندەکان ڕێکبخەنەوە و ئامادەی بکەن بۆ خوێندن.