سەرۆک بارزانی و زاڵمای خەلیلزاد پڕۆسەی سیاسی و هەڵبژاردنەکانی عێراق تاوتوێ دەکەن

شەوکەت قادر

سەرۆک بارزانی پێشوازی لە زاڵمای خەلیلزاد کرد و لە دیدارێکدا بیروڕا لە بارەی بارودۆخی سیاسی و دوایین پێشهاتەكانی عێراق و ناوچەكە ئاڵوگۆڕ كرا.

چیرۆکی سەرەکی: ڕۆژی دووشەممە، لە پیرمام، سەرۆك مەسعود بارزانی پێشوازی لە زاڵمای خەلیلزاد، دیپلۆماتكار و باڵیۆزی پێشووتری ئەمریکا لە عێراق كرد.

ڕاگەیێنراوی فەرمی: لە ڕاگەیێنراوێکدا بارەگای بارزانی ڕایگەیاند، لە دیدارەكەدا بیروڕا لەبارەی بارودۆخی سیاسی و دوایین پێشهاتەكانی عێراق و ناوچەكە ئاڵوگۆڕ كرا، هەروەها ڕۆشنایی خرایە سەر پڕۆسەی سیاسی عێراق و هەڵبژاردنی ئەنجوومەنی نوێنەرانی عێراق و ڕەوشی ناوخۆی هەرێمی كوردستان.