ئەمریکا دوو "مافیای دیکەی ماددەی هۆشبەر" دەکوژێت

ئاڤا نیوز

ئەمریکا لە ‌هێرشەکانی بۆ سەر بازرگانانی ماددەی هۆشبەر لە ئاوەکانی زەریای هێمن بەردەوامە.

لێدوانی فەرمی: پیت هێگسێس، وەزیری جەنگی ئەمریکا، ڕایگەیاند هێرشێکی دیکەیان کردووەتە سەر بەلەمێکی بازرگانانی ماددەی هۆشبەر لە ڕۆژهەڵاتی زەریای هێمن و بە هۆیەوە دوو کەسیان کوشتووە. تا ئیستا ئەمریکا 16 هێرشی کردووە و بە هۆیانەوە 66 کەس کوژراون.

لێدوانی فەرمی: دۆناڵد ترەمپ، سەرۆکی ئەمریکا، ڕایگەیاندووە ئەمریکا لە پێکدادانی چەکداریدایە لەگەڵ مافیاکانی ماددەی هۆشبەر.

ئەوەی پێویستە بیزانیت: ڤەنزویلا لەم چالاکییە سەربازییانەی ئەمریکا لە ناوچەکە نیگەرانە و بە هەڕەشە بۆ سەر ئاشتی ناوچەکەی دەزانێت.