وەزارەتی دارایی دڵنیایی بە مووچەخۆران دەدات؛ تەواوی پارەی مووچە گەیشت

ئاڤا نیوز

وەزارەتی دارایی عێراق تەواوی مووچەی مانگی سێی خستە سەر هەژماری بانکیی هەرێمی کوردستان، وەزارەتی دارایی کوردستانیش دڵنیایی بە مووچەخۆران دەدات پێش جەژن سەرجەمیان مووچە وەردەگرن.

ڕاگەیێنراوی فەرمی: وەزارەتی دارایی و ئابووریی هەرێمی کوردستان بڵاوی کردەوە، بڕی 390 ملیار دیناری دیکە بۆ مووچەی مانگی سێ خراوەتە سەر هەژماری بانکی هەرێمی کوردستان.

ئەوەی پێویستە بیزانیت: ڕۆژی پێنجشەممە وەزارەتی دارایی عێراق گوژمەی یەکەمی پارەکەی نارد کە 130 ملیار دینار بوو، بەیانی ئەمڕۆ 430 ملیار دیناری دیکەی نارد و نیوەڕۆش 390 ملیار دیناری دیکەی نارد، واتە کۆی گشتی 950 ملیار دینار نێردراوە.

زانیاریی زیاتر: وەزارەتی دارایی دڵنیایی بە سەرجەم مووچەخۆرانی شارستانی و سەربازی دەدات پێش جەژنی ڕەمەزان سەرجەمیان مووچەی مانگی سێ وەردەگرن.