ئێران لەبارەی دەستوەردان لە هەڵبژاردنی عێراق هۆشداریی دەدات

ئاڤا نیوز

وتەبێژی وەزارەتی دەرەوەی ئێران ڕایدەگەیەنێت، هەڵبژاردنەکانی عێراق وێستگەیەکی یەکلاکەرەوەیە بۆ دیاریکردنی چارەنووسی گەلی عێراق و هەر دەستوەردانێکی دەرەکی لەم پڕۆسەیەدا قبوڵکراو نییە.

چیرۆکی سەرەکی: ئەم لێدوانانە لە کاتێکدایە کە ئێران پشتی بە ئەنجامی هەڵبژاردنی داهاتووی عێراق بەستووە، بۆ پاراستنی هەژموونی خۆی لە ناوچەکە، ئەمریکاش لە ڕێگای دەستنیشانکردنی نێردەی خۆی دەیەوێت لایەنەکانی  نزیک لە ئێرانە لە حکومەتی داهاتووی عێراق دووربخاتەوە، بە تایبەت ئەو هێز و لایەنانەی گرووپی چەکدارییان هەیە و نزیکن لە ئێران.  

لێدوانی فەرمی: ئەمڕۆ دووشەممە، ئیسماعیل بەقایی، وتەبێژی وەزارەتی دەرەوەی ئێران جەختیکردەوە: هەردەستوەردانێکی دەرەکی لەم پڕۆسەیەدا ڕەتکراوەتەوە لەلایەن گەلی عێراق و حکومەت و  وڵاتانی بەرپرسیارەوە سەرکۆنە دەکرێت.

لە لایەکی دیکەوە: بەقایی ئاماژەی بەوەشدا،  کە ئەزموونەکانی پێشوو سەلماندوویانە کە هەر کاتێک ویلایەتە یەکگرتووەکان دەستوەردانی لە کاروباری وڵاتانی ناوچەکەدا کردبێت، ئەنجامەکەی زیانگەیاندن بووە بە ئاشتی و سەقامگیری ناوچەکە.