جومانە غەلای: بە هیچ جۆرێک ماوەی دەنگدان درێژ ناکرێتەوە

ئاڤا نیوز

وتەبێژی کۆمسیۆنی باڵای سەربەخۆی هەڵبژاردنەکانی عێراق سەبارەت بە درێژکردنەوەی ماوەی دەنگدان دەڵێت: کاتژمێر شەش ئامێرەکان بەشێوەیەکی خۆکار دەکوژێنەوە و بەهیچ جۆرێک ماوەی دەنگدان درێژناکرێتەوە.

چیرۆکی سەرەکی: رۆژی 9-11-2025 پرۆسەی دەنگدانی تایبەت بەڕێوەچوو. عێراق کراوەتە 18 بازنە و بڕیارە ڕۆژی 11-11 دەنگدانی گشتی بەڕێوەبچێت.

لێدوانی فەرمی: جومانە غەلای، وتەبێژی کۆمسیۆنی باڵای سەربەخۆی هەڵبژاردنەکانی عێراق، لە گەشتی هەواڵەکانی کاتژمێر 12ـی ئاڤا میوانی گفتوگۆی ڕۆژان بوو وتی، پرۆسەی دەنگدانی تایبەت بەشێوەیەکی زۆرباش و بێ کێشە بەڕێوەچوو، لە دەنگدانی تایبەت ڕێژەی بەشداری %82  بووە.

جومانە غەلای ئەمانەشی وت: بەکارهێنانی مۆبایل لەناو وێستگەکانی دەنگدان قەدەغەیە بەکاربهێنرێت.

- سەبارەت بە پێشێلکارییەکانی بەکارهێنانی مۆبایل لە وێستگەکانی دەنگدان، لیژنەی ئەمنی ڕوونکردنەوە بڵاودەکاتەوە. 

- لە دەنگدانی تایبەتدا چوار سکاڵا وەرگیراون و هەموو پێشلکارییەکانیش دەدرێنە دادگا.
 
- بۆ وەرگرتنی سکاڵا لە دەنگدانی تایبەت دوو ڕۆژ دیاریکراوە، ئەمڕۆ تا کۆتایی دەوامی فەرمی سکاڵای لایەنەکان وەردەگیرێت.

- سبەی هەموو لایەنەکان دەتوانن دوای کۆتایی هاتنی هەڵبژاردن ژمارەی دەنگەکانی خۆیان بزانن.