مەسرور بارزانی پیرۆزبایی سەرکەوتنی هەڵبژاردنی پەرلەمانی عێراق لە لایەنە سیاسییەکان دەکات

ئاڤا نیوز

سەرۆکوەزیرانی هەرێمی کوردستان هیوای خواست ئامۆژگارییەکانی کۆڕبەندی مێپس سوودی بۆ هەموولایەک هەبێت و پیرۆزبایی سەرکەوتنی هەڵبژاردنی خولی شەشەمی پەرلەمانی عێراقی لە لایەنە سیاسییەکان کرد. 

چیرۆکی سەرەکی: پێشنیوەڕۆی ئەمڕۆ سێشەممە، بە ئامادەبوونی 150 سەرکردەی، ناوەخۆیی، هەرێمی و نێودەوڵەتی لە 25 وڵاتی جیاواز، شەشەمی کۆڕبەندی ئاشتی و ئاسایشی ڕۆژهەڵاتی ناوەڕاست، لە زانکۆی ئەمریکی دهۆک بەڕێوەدەچێت.

لێدوانی فەرمی: سەرۆکوەزیران مەسرور بارزانی لە کۆڕبەندی مێپس 2025 ڕایگەیاند: ئەم کۆڕبەندە شەشەمین ساڵە بەڕێوەدەچێت بۆ تاوتوێکردنی کێشە و ئاڵنگارییەکانی ناوچەکە، ئەم کۆڕبەندە ساڵانەیە دیدارێکی گرنگە و هۆکارێک هەیە بۆ ئامادەبوونمان، هیوادارم ئامۆژگارییەکانی دوای کۆڕبەندەکە سوودی بۆ هەموولایەک هەبێت.

هەر لە درێژەی گوتەکانیدا سەرۆکوەزیران باسی لە هەڵبژاردنی خولی شەشەمی پەرلەمانی عێراق کرد و ڕایگەیاند، پیرۆزبایی کۆتایهاتنی هەڵبژاردنی پەرلەمانی عێراق لە هەمووان دەکەم.


لەلایەکی دیکەوە: مەسرور بارزانی لە بەشێکی قسەکانیدا باسی لە هاندەرانی یانەی زاخۆ کرد و گوتی: ئەم بۆنەیە بە دەرفەت دەزانم بۆ ئەوەی داواتان لێ بکەم، هەمووتان دەنگ بە هاندەرانی زاخۆ بدەن کە لە لایەن فیفاوە پاڵێوڕاوە بۆ باشترین هاندەری یانە لەسەر ئاستی جیهان.

 

نوێدەکرێتەوە..