سەرۆک بارزانی و فایەق زێدان گفتوگۆ لەسەر پێکهێنانی حکومەتی داهاتوو دەکەن

ئاڤا نیوز

سەرۆک بارزانی و سەرۆکی ئەنجوومەنی باڵای دادوەری لە عێراق کۆبوونەوە و باسی  پرسی پێکهێنانی حکومەتی داهاتوو، یاسای هەلبژاردنەکان، بارودۆخی سیاسیی عێراق و دوایین پێشهاتەکانی ناوچەکەیان تاوتوێ کرد.

چیرۆکی سەرەکی: بە ئامادەبوونی سەرۆک بارزانی و سەرۆکوەزیران مەسروور بارزانی و 150 سەرکردەی، ناوخۆیی، هەرێمی و نێودەوڵەتی لە 25 وڵاتی جیاواز، پێشنیوەڕۆی ئەمڕۆ سێشەممە 18-11-2025، شەشەمین کۆڕبەندی ئاشتی و ئاسایشی ڕۆژهەڵاتی ناوەڕاست، لە زانکۆی ئەمریکی دهۆک دەستیپێکرد.

ڕاگەیێنراوی فەرمی: نووسینگەی ڕاگەیاندنی ئەنجوومەنی باڵای دادوەری ڕایگەیاند: لە پەراوێزی کارەکانی کۆڕبەندی ئاشتی و ئاسایشی ڕۆژهەڵاتی ناوەڕاست، ئەمڕۆ سەرۆک بارزانی لەگەڵ دادوەر فایەق زێدان، سەرۆکی ئەنجوومەنی باڵای دادوەری عێراق، کۆبووەوە، لە کۆبوونەوەکەدا هەردوولا گفتوگۆیان دەربارەی دوایین گۆڕانکارییەکانی پڕۆسەی هەڵبژاردن و پێویستیی خێراکردن لە پێکهێنانی حکومەت بەپێی دەستوور کرد.

زانیاریی زیاتر: سەرۆک بارزانی ستایشی ڕۆڵی دەسەڵاتی دادوەریی عێراقی لە پاراستنی ڕێڕەوی دیموکراسی کرد.