نێچیرڤان بارزانی: کار لەسەر داڕشتنەوەی دەستووری هەرێمی کوردستان دەکەین

ئاڤا نیوز

 

سەرۆکی هەرێمی کوردستان لە پەراوێزی لە کۆڕبەندی مێپس 2025 لە شاری دهۆک ئاشکرای کرد، دوای پێکهێنانی کابینەی نوێی حکومەتی هەرێمی کوردستان کار لەسەر داڕشتنەوەی دەستوووری کوردستان دەکەن.

 

چیرۆکی سەرەکی:  بەئامادەبوونی سەرۆک بارزانی و سەرۆکوەزیران مەسروور بارزانی و 150 سەرکردەی، ناوەخۆیی، هەرێمی و نێودەوڵەتی لە 25 وڵاتی جیاواز، ڕۆژی دووشەممە 17-11-2025، شەشەمین کۆڕبەندی ئاشتی و ئاسایشی ڕۆژهەڵاتی ناوەڕاست، لە زانکۆی ئەمریکی دهۆک دەستیپێکرد و بۆ ماوەی سێ ڕۆژ بەردەوام دەبێت.

 

لێدوانی فەرمی: ئەمڕۆ سێشممە لە دیدارێکی تایبەت لە کۆڕبەندەکە نێچیرڤان بارزانی سەبارەت بە پرسی دەستووری هەرێمی کوردستان ڕایگەیاند، "پێشینەی کارەکانمان لە دوای پێکهێنانی حکومەتی نوێی هەرێمی کوردستان پرسی داڕشتنەوەی دەستووری هەرێمی کوردستان دەبێت کە دەبوو زۆر زووتر کارمان لەسەری کردبا".

 

لەلایەکی دیکە: سەبارەت بە دەستووری عێڕاقیش دەڵێت، "ئەگەر ئێمە بمانەوێت عێراق سەقامگیر بێت، مەرجی یەکەم جێبەجێکردنی دەستوورە. قسەی ئێمە وەکو هەرێمی کوردستان ئەوەیە کە دەبێت ئەو دەستوورە جێبەجی بکرێت، چونکە دەستوور زامنی پێکەوەژیانی هەموو پێکهاتەکانی عێراقە".