دوای ڕەخنەکانی ترەمپ؛ زێلێنسکی ستایشی ترەمپ دەکات

ئاڤا نیوز

سەرۆکی ئۆکرانیا پەیامێکی سوپاسگوزاری ئاراستەی سەرۆکی ئەمریکا کرد و ستایشی هەوڵەکانی بۆ چارەسەرکردنی قەیرانی وڵاتەکەی کرد. ئەمەش دوای ڕەخنەکانی ترەمپ هات کە ئاراستەی سەرکردایەتیی ئۆکرانیای کرد.

چیرۆکی سەرەکی: سەرۆکی ئۆکراینا هەوڵیدا دۆناڵد ترەمپ هاوتا ئەمریکییەکەی دڵخۆش بکات، دوای ئەوەی ترەمپ ڕەخنەی لە کیێڤ گرت بەوەی سەرکردایەتیی ئۆکرانیا هیچ سوپاسی هەوڵەکانی ئەمریکایان نەکردووە.

بڵاوکراوەی فەرمی: ڤۆلۆدێمیر زێلێنسکی، سەرۆکی ئۆکرانیا لەسەر تۆڕی ئێکس پەیامێکی بڵاوکردەوە و نووسیوویەتی، "ئۆکرانیا سوپاسگوزارە بۆ ئەمریکا، بۆ دڵی خەڵکی ئەمریکا و بۆ سەرۆک ترەمپ بە شێوەیەکی کەسی بۆ ئەو هاوکارییەی کە دەیکات بۆ ڕزگارکردنی  ژیانی ئۆکرانییەکان".

ئەوەی پێویستە بیزانیت: دۆناڵد ترەمپ، سەرۆکی ئەمریکا پلانێکی 28 خاڵی بۆ کۆتاییهێنان بەشەڕی ڕووسیا و ئۆکرانیا خستووەتەڕوو، تا 27ـی ئەم مانگە مۆڵەتی بە ئۆکرانیا داوە  بۆ ئەوەی لەسەر پلانی ئاشتی ڕازی بێت.