حەماس کار لەسەر قۆناغی دووەمی ئاگربەستی غەززە دەکات

ئاڤا نیوز

شاندێکی حەماس بۆ گفتوگۆکردن لەسەر قۆناغی دووەمی ئاگربەستەکە لە قاهیرە بوون، وتوێژیان لەبارەی چەسپاندنی ڕێککەوتنی ئاگربەست لە غەززە و ڕێکخستنەکانی قۆناغی دووەمی ڕێککەوتنەکە کرد.

وێنە گەورەکە: شاندێکی باڵای بزووتنەوەی حەماس دوێنی یەکشەممە لەگەڵ سەرۆکی دەزگای هەواڵگریی میسر، گفتوگۆیان لەبارەی قۆناغی دووەمی ئاگربەستی غەززە کرد.

زانیاریی بەدەستهاتوو: حەماس جارێکی دیکە پابەندبوونی خۆی بە جێبەجێکردنی قۆناغی یەکەمی ئاگربەستەکە دووپاتکردەوە، لەبارەی قۆناغی دووەمیش دەڵێت،قۆناغەکە گفتوگۆی لەسەر کراوە، بەبێ خستەڕوو وردەکاریی زیاتر.

کاریگەری و لێکەوتەکان: لە دەستپێکی ئاگربەستی غەززەوە، ئیسرائیل و حەماس هەردووکیان بە بەردەوام یەکتری بە پێشێلکردنی ئاگربەستەکە تۆمەتبار دەکەن.

 
ئەوەی پێویستە بیزانیت: بەگوێرەی ئەو پلانەی دۆناڵد ترەمپ سەرۆکی ئەمریکا بۆ غەززە خستووەتەڕوو، قۆناغی دووەمی هەر یەکە لە چەکداماڵینی حەماس و   دامەزراندنی دەسەڵاتێکی ڕاگوزەر و جێگیرکردنی هێزێکی سەقامگیرکردنی نێودەوڵەتی بۆ غەززە لەخۆدەگرێت.