سەرۆک بارزانی و ئەیاد عەلاوی دۆخی عێراق لەدوای هەڵبژاردن تاوتوێ دەکەن

ئاڤا نیوز

سەرۆك بارزانی و ئەیاد عەللاوی لە پیرمام کۆبوونەوە و هەڵوەستەیان لەسەر دۆخی عێراق لەدوای تەواوبوونی پرۆسەی هەڵبژاردنی پەرلەمان کرد.

وێنە گەورەکە: دوای ڕاگەیاندنی ئەنجامەکانی هەڵبژاردنی خولی شەشەمی پەرلەمانی عێراق؛ پۆل پۆل لایەنە براوەکانی عێراق دێنە هەرێمی کوردستان و بەدیاریکراوی سەردانی سەرۆک بارزانی دەکەن بۆ ئەوەی بۆچوون و تێڕوانینی سەبارەت پێکهێنانی حکومەتی داهاتووی عێراق بزانن و پاڵپشتی کورد بەدەستبهێنن.

ڕاگەیێنراوی فەرمی: بارەگای بارزانی لە ڕاگەیێنراوێکدا ئاماژە بەوەدەدات، لە پیرمام سەرۆک  بارزانی پێشوازی لە ئەیاد عەللاوی سەرۆکی بزووتنەوەی ویفاقی نیشتیمانی عێراقی و شاندێکی یاوەری کرد، لەو دیدارەدا ڕۆشنایی خرایە سەر پڕۆسەی سیاسیی عێراق و گۆڕانکاری و پێشهاتەکانی ناوچەکە، هەروەها ئەنجامی هەڵبژاردنی ئەنجوومەنی نوێنەرانی عێراق و قۆناغی دوای هەڵبژاردن و گفتوگۆی لایەنە سیاسییەکان بۆ پێکهێنانی کابینەی نوێی حکومەتی فیدراڵ تاوتوێ کران.